Вы тут

Беларусь — на Кніжным салоне ў Санкт-Пецярбургу


З 15 па 20 мая дэлегацыя Міністэрства інфармацыі, кнігавыдавецкіх структур нашай краіны ўдзельнічае ў XIX Санкт-Пецярбургскім міжнародным кніжным салоне. Сярод удзельнікаў выставачнага стэнда «Кнігі Рэспублікі Беларусь» — і Выдавецкі дом «Звязда». 


Фота: sovlit.ru

Расказвае супрацоўнік «Звязды» Людміла Драздова:

— У нашага Выдавецкага дома добра развіты стасункі з расійскімі калегамі. Мы традыцыйна ўдзельнічаем у кніжных выстаўках у Маскве. Дарэчы, сярод аўтараў кніг, выдадзеных у нас у розныя гады, — расійскія літаратары Яўген Еўтушэнка, Валянцін Распуцін, Алесь Кажадуб, Валерый Казакоў, Барыс Косцін, Мікалай Чаркашын, Аляксандр Чэрняк... Іх кнігі выдадзены ў нас на рускай мове. Выдавецкі дом «Звязда» ў свой час ініцыіраваў выпуск літаратурна-мастацкіх альманахаў «Созвучие», серыю «Сябрына: паэзія народаў Расіі»... 

— А што, якія кніжныя навінкі прадставіце на Санкт-Пецярбургскім салоне?

— Згаданыя альманахі. У прыватнасці, «Созвучие. Беларусь — Санкт — Петербург», «Созвучие. Беларусь — Москва». А таксама — шэраг філакартычных альбомаў вядомага нашага аўтара і калекцыянера старых паштовак Уладзіміра Ліхадзедава. Сярод іх — і кніга з рэпрадукцыямі паштовак, іншага ілюстрацыйнага матэрыялу «Блакада». 

Акрамя Выдавецкага дома «Звязда» на стэндзе беларускіх кніжнікаў будуць прадстаўлены выданні «Беларусі», Мастацкай літаратуры«, «Беларускай навукі». Галоўнае месца сярод прэзентацый зоймуць кнігі, выданне якіх прымеркавана да 80-годдзя вызвалення Беларусі ад нямецка-фашысцкіх захопнікаў і 80-годдзя Вялікай Перамогі. 

Раман СЭРВАЧ

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.