Вы тут

Сі Цзіньпін правёў перагаворы з Уладзімірам Пуціным


Сёння ў Пекіне ў Доме народных сходаў Старшыня КНР Сі Цзіньпін правёў перамовы з Прэзідэнтам Расіі Уладзімірам Пуціным, які прыбыў у Кітай з дзяржаўным візітам, перадае «Сіньхуа».


«Бягучы год праходзіць пад знакам 75-й гадавіны ўстанаўлення дыпламатычных адносін Кітая і Расіі. За мінулыя тры чвэрці стагоддзя кітайска-расійскія адносіны загартаваліся ў цяжкіх умовах, вытрымалі выпрабаванне пераменлівым міжнародным становішчам, і сёння ўяўляюць сабой эталон адносін паміж буйнымі дзяржавамі і суседнімі краінамі, якія адрозніваюцца ўзаемнай павагай, даверам, сяброўствам і ўзаемнай выгадай. За гэтыя гады мы з вамі сустракаліся не менш за 40 разоў. Такія шчыльныя сувязі дазваляюць нам вызначаць стратэгічныя напрамкі для захавання здаровай і ўстойлівай дынамікі паспяховага развіцця кітайска-расійскіх адносін, якія даваліся зусім нялёгка і заслугоўваюць самай беражлівай аховы», — адзначыў Сі Цзіньпін.

Важна, што сучасныя расійска-кітайскія сувязі незалежныя ад ідэалогіі і палітычнай кан’юнктуры, падкрэсліў Уладзімір Пуцін у эксклюзіўным інтэрв’ю «Сіньхуа»: «Іх шматпланавае развіццё — усвядомлены стратэгічны выбар, які базуецца на шырокім супадзенні карэнных нацыянальных інтарэсаў, глыбокім узаемным даверы, магутнай грамадскай падтрымцы і шчырым сяброўстве народаў дзвюх краін. Размова ідзе аб сумесных намаганнях па ўмацаванню суверэнітэту, абароне тэрытарыяльнай цэласнасці і бяспекі. А ў больш шырокім плане — аб садзейнічанні развіццю і росквіту Расіі і Кітая за кошт нарошчвання раўнапраўнага, узаемавыгаднага супрацоўніцтва ў эканоміцы і гуманітарнай сферы, аб умацаванні знешнепалітычнай каардынацыі ў інтарэсах пабудовы справядлівага шматпалярнага светаўладкавання. Усё гэта прадвызначае паспяховую будучыню нашага ўсёабдымнага і стратэгічнага партнёрства ў новую эпоху».

Старшыня КНР і прэзідэнт Расіі падпісалі і апублікавалі Сумесную заяву Кітайскай Народнай Рэспублікі і Расійскай Федэрацыі аб паглыбленні адносін усёабдымнага партнёрства і стратэгічнага ўзаемадзеяння, якія ўступаюць у новую эпоху, у кантэксце 75-годдзя ўстанаўлення дыпламатычных адносін паміж дзвюма краінамі.

Мікалай ЛІТВІНАЎ

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.