Вы тут

Уладзімір Караткевіч у Азербайджане


Добрая літаратурная навіна прыйшла з Баку. У бліжэйшы час будзе завершана праца над аднатомнікам прозы і паэзіі Уладзіміра Караткевіча ў перакладзе на азербайджанскую мову. 


Фота з адкрытых крыніц

Расказвае прафесар Бакінскага славянскага ўніверсітэта, галоўны рэдактар часопіса «Русский язык и литература в Азербайджане» доктар філалагічных навук Флора Наджы:

— Мы задумалі кнігу яшчэ да 90-годдзя з дня нараджэння класіка беларускай літаратуры. Меркавалі выдаць зборнік паэтычных і празаічных твораў аўтара «Дзікага палявання караля Стаха» у пераўвасабленні нашых перакладчыкаў яшчэ ў 2020 годзе. Але пандэмія і іншыя прычыны сталі памехай для рэалізацыі гэтага творчага праекта. Хаця асобныя творы мы ўсё ж надрукавалі ў азербайджанскім перыядычным друку, размясцілі ў інтэрнэт-прасторы на азербайджанскай мове. Я нават да 90-годдзя пісьменніка напісала артыкул «Уладзімір Караткевіч: «Быў. Ёсць. Буду...» Я асабіста ў захапленні ад творчасці гэтага пісьменніка. Шкадую, што прыйшла да асэнсавання яго прозы і паэзіі толькі ў сталым узросце. І зараз вельмі рада, што кніга пабачыць свет. Упэўнена, што яна будзе мець шырокі розгалас сярод нашых чытачоў па ўсяму Азербайджану. Ды і ўвогуле ў свеце. Вы цудоўна ведаеце, што азербайджанцаў даволі шмат пражывае ў самых розных краінах свету. Ведаю, што яны не забываюцца пра сваю родную мову. 

Кніга Уладзіміра Караткевіча на азербайджанскай мове стане яшчэ адным мастком у фарміраванні шырокай дарогі па яднанню літаратур Беларусі і Азербайджана. У апошнія гады ў Выдавецкім доме «Звязда» пабачылі свет кнігі Севіндж Нурукызы, Чынгіза Алі аглу, Лейлы Аліевай, а таксама «Анталогія сучаснай азербайджанскай паэзіі» у перакладзе на беларускую мову. Паэт і перакладчык Чынгіз Алі аглу за ўклад у развіццё беларуска-азербайджанскіх гуманітарных і літаратурных сувязяў узнагароджаны медалём Францыска Скарыны. І Флора Наджы, і Чынгіз Алі аглу, а яшчэ празаік, драматург і перакладчык Камран Назірлі — частыя госці ў Беларусі. А зараз да пашырэння беларуска-азербайджанскай літаратурнай дружбы спрычыніўся і галоўны рэдактар міжнароднага часопіса «Мой Азербайджан» Эміль Насірлі. 

Кастусь ЛЕШНІЦА

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.