Вы тут

Дні Мінскай вобласці адкрыліся на ВДНГ у Маскве


У Маскве 20 мая ўрачыста адкрыліся маштабныя дні Мінскай вобласці. Яны працягнулі серыю прэзентацый беларускіх абласцей, якія з ініцыятывы Прэзідэнта Аляксандра Лукашэнкі праводзяцца з пачатку гэтага года на ВДНГ у павільёне «Рэспубліка Беларусь», паведамляе БелТА.


Фота: БелТА

Свой патэнцыял на галоўнай расійскай выставе ўжо прадставілі Брэсцкая, Віцебская, Гомельская, Гродзенская і Магілёўская вобласці. Па 2 чэрвеня беларускі павільён на ВДНГ перададзены ў распараджэнне Мінскай вобласці.

«Мінская вобласць — гэта сэрца Беларусі», — сказаў, адкрываючы прэзентацыю, старшыня Мінскага аблвыканкама Аляксандр Турчын. Ён адзначыў, што асноўны ўклад у эканоміку вобласці ўносіць прамысловасць: на яе тэрыторыі дзейнічаюць больш за 4 тыс. прамысловых прадпрыемстваў з агульнай колькасцю работнікаў звыш 130 тыс. чалавек. Пятая частка аб’ёму прамысловай вытворчасці Беларусі прыпадае на Мінскую вобласць.

Мінская вобласць паказвае на ВДНГ свой прамысловы, культурны і турыстычны патэнцыял. Асаблівае месца нададзена гісторыі вобласці. Цэнтрам экспазіцыі стаў макет Кургана славы, а на стэндах прадстаўлены мемарыяльны комплекс «Хатынь», Нацыянальны гісторыка-культурны музей-запаведнік «Нясвіж» і іншыя знакавыя месцы Міншчыны.

Ва ўрачыстай цырымоніі адкрыцця Дзён Мінскай вобласці на ВДНГ прынялі таксама ўдзел Пасол Беларусі ў Расіі Дзмітрый Крутой, дзяржаўны сакратар Саюзнай дзяржавы Дзмітрый Мезенцаў, а таксама прадстаўнікі кіраўніцтва шэрагу расійскіх рэгіёнаў, з якімі найбольш цесна ўзаемадзейнічае Мінская вобласць, — Архангельскай, Ленінградскай, Маскоўскай і Омскай абласцей і Рэспублікі Інгушэція.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.