Вы тут

Лепшых метролагаў вызначылі ў Беларусі


Пераможцаў конкурсу «Лепшы метролаг — 2024» назвалі ў час тэматычнага семінара-практыкума, прысвечанага Сусветнаму дню метралогіі, перадае БелТА.


Фота БелТА

Конкурс праводзіцца штогод, пачынаючы з 2022 года, і накіраваны на выяўленне лепшых метролагаў і прызнанне іх прафесійных заслуг. На ўдзел у конкурсе ў гэтым годзе паступіла 21 заяўка. Ацэнка прадстаўленых дакументаў праводзілася аргкамітэтам конкурсу па наступных крытэрыях: уклад у агульныя пытанні развіцця метралагічнай службы ў арганізацыі; удзел ва ўкараненні ўдасканаленых метадаў і сродкаў метралагічнага абслугоўвання; агульны стан метралагічных работ на прадпрыемстве па забеспячэнні адзінства вымярэнняў; стан рацыяналізатарскай работы ў галіне метралогіі і ўдзел у гэтай рабоце канкурсанта; удзел у навуковых і практычных распрацоўках; пералік апублікаваных артыкулаў па пытаннях метралогіі; іншыя характарыстыкі, якія адлюстроўваюць дзейнасць спецыяліста ў галіне прыкладной метралогіі.

«Мы праводзілі ацэнку вельмі высокакваліфікаваных спецыялістаў. Сярод узнагароджаных ёсць і прадстаўнікі недзяржаўных арганізацый. Метролагі патрэбны ва ўсіх напрамках дзейнасці, яны запатрабаваны ўсімі галінамі эканомікі, у тым ліку ў такіх складаных, як нанатэхналогіі, космас, мікраэлектроніка і экалагічная бяспека», — адзначыў намеснік старшыні Дзяржстандарту Аляксандр Бурак.

У намінацыі «Лепшы метролаг ДМС (дзяржаўнай метралагічнай службы)» першае месца заняў Аляксей Пархоц (Брэсцкі цэнтр стандартызацыі, метралогіі і сертыфікацыі), другое месца ў Сяргея Козака (Віцебскі цэнтр стандартызацыі, метралогіі і сертыфікацыі). Бронза ў Ларысы Пацынка (Гродзенскі цэнтр стандартызацыі, метралогіі і сертыфікацыі).

У намінацыі «Лепшы метролаг» лідарам стаў Дзмітрый Жук (ААТ «Газпрам трансгаз Беларусь»), другое месца заняў Сяргей Трус (ААТ «Інтэграл»), а трэцяе — Дзмітрый Нічыпаровіч (ААТ «Белэнергарамналадка»).

Ганаровымі граматамі і падзякамі Дзяржстандарту былі ўзнагароджаны амаль 40 лепшых спецыялістаў-метралогіі.

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».