Вы тут

Тры «прадаўцы крыптавалюты» напалі на іншаземца ў Мінску і выкралі ў яго звыш $50 тысяч


У сталічную міліцыю звярнуўся іншаземец, на якога напалі невядомыя і выкралі звыш $50 тыс., паведамілі ў Міністэрстве ўнутраных спраў.


«Прыкладна месяц таму 27-гадовы замежны бізнэсовец, які пражывае ў Беларусі, зацікавіўся інвестыцыямі ў віртуальную валюту. Падрабязна вывучаючы рынак лічбавых актываў, мужчына ўступіў у тэматычную супольнасць у Telegram. Яму ўдалося правесці некалькі паспяховых здзелак, што выклікала давер да дадзенага роду дзейнасці, таму, калі яму паступіла выгадная прапанова аб куплі токенаў, ён без сумневу пагадзіўся», — распавялі ў Следчым камітэце.

Як высветлілася, напапярэдні мужчына дамовіўся ў Інтэрнэце з незнаёмцам аб куплі крыптавалюты па цане ніжэй рынкавай. Падчас асабістай сустрэчы на вуліцы Адоеўскага прадавец запрасіў іншаземца прайсці ў пад’езд, дзе нібыта знаходзіўся офіс. Аднак на другім паверсе іх ужо чакаў саўдзельнік ілжэпрадаўца. Зламыснікі распылілі ў твар ахвяры газ з пярцовага балончыка, забралі наяўныя грошы, якія знаходзіліся пры ім, і збеглі.

Следчыя аператыўна затрымалі падазраваных-34-гадовага мінчаніна і двух жыхароў Жодзіна 29 і 30 гадоў. Было ўстаноўлена, што мужчыны прыдумалі і старанна адрэпеціравалі злачынную схему. Размясціўшы аб’яву ў Інтэрнэце, яны грунтоўна выбіралі непрыкметнае месца для нападу і маршрут адыходу, каб па дарозе не патрапіць у аб’ектывы камер назірання. Зламыснікі некалькі разоў адпрацоўвалі сцэнар злачынства, пры гэтым з мэтай канспірацыі не бралі з сабой мабільныя тэлефоны. Ужо пасля рэалізацыі злачыннага намеру яны пакінулі жылы двор не ў салоне, а ў грузавым адсеку мінівэна, каб застацца незаўважанымі.

Следчыя дапыталі фігурантаў, пацярпелага і сведак, правялі вочныя стаўкі і апазнанне. Прызначана правядзенне неабходных экспертных даследаванняў. У Мінску Фрунзенскі раённы аддзел Следчага камітэта распачаў крымінальную справу па ч.3 арт. 207 Крымінальнага кодэкса (разбой, здзейснены ў асабліва буйным памеры). У цяперашні час да двух са злачынцаў прыменена мера стрымання ў выглядзе заключэння пад варту. Канчатковая прававая ацэнка іх дзеянням будзе дадзена пасля завяршэння расследавання

Прэв’ю: МУС

Выбар рэдакцыі

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.