Вы тут

ДАІ заклікае дарослых паказваць правільны прыклад паводзін на дарозе дзецям і падлеткам


У Гомельскай вобласці супрацоўнікі Дзяржаўтаінспекцыі правялі рэйдавыя мерапрыемствы, падчас якіх адсочвалі выкананне правілаў дарожнага руху юнымі велааматарамі. 


На тэрыторыі Гомельскай вобласці за мінулы год адбылося 19 дарожна-транспартных здарэнняў з удзелам непаўналетніх веласіпедыстаў, у якіх 20 дзяцей — пацярпелі. Летась усплёск адзначаных ДТЗ прыпаў на май месяц: адбылося 6 з 19 здарэнняў. У маі бягучага года падобных аварый, на шчасце, не зарэгістравана.

— Каб папярэдэдзіць магчымыя здарэнні з удзелам непаўналетніх веласіпедыстаў на тэрыторыі Гомельскай вобласці Дзяржаўтаінспекцыяй праведзена прафілактычная акцыя «Юны веласіпедыст!», — звярнулі ўвагу ў аддзяленні па агітацыі і прапагандзе ДАІ УУС Гомельскага аблвыканкама. — Як паказвае статыстыка, менавіта вясновы перыяд характарызуецца ростам пагроз для бяспекі дзяцей на дарозе, бо ў большасці выпадкаў у гэты перыяд дзеці прадстаўлены самі сабе. Дзяржаўтаінспекцыя заклікае ўсіх дарослых удзельнікаў дарожнага руху быць максімальна прадбачлівымі на дарозе ў адносінах да дзяцей. Акрамя таго, дарослыя павінны паказваць станоўчы прыклад выканання правілаў дарожнага руху для дзяцей-удзельнікаў дарожнага руху.

Супрацоўнікамі ДАІ Гомельшчыны падчас рэйдавых мерапрыемстваў правялі тлумачальную работу як з дзцьмі, так і з іх законнымі прадстаўнікамі, расказалі чым пагражае парушэнне правілаў бяспекі на дарозе.

Наталля КАПРЫЛЕНКА

Фота ДАІ УУС Гомельскага аблвыканкама

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».