Вы тут

Варакіна і Гетманава выйшлі ў фіналы моладзевага чэмпіянату Еўропы па барацьбе


У сталіцы Азербайджана Баку працягваецца моладзевы чэмпіянат Еўропы па барацьбе з удзелам беларускіх спартсменаў, паведамляе БелТА.


У сераду выступленні на кантынентальным форуме пачалі дзяўчаты. З пяці беларусак, якія стартавалі сёння, дваім удалося прайсці шлях да фіналу. У самай лёгкай катэгорыі – да 50 кг – Наталля Варакіна паслядоўна перамагла славачку Крысціну Басіч, Шахану Назараву з Азербайджана і румынку Анну Марыю Пірву. Саперніцай Варакінай у заўтрашнім фінале стане турчанка Зехра Дэмірхан.

У вазе да 57 кг наша Алеся Гетманава атрымала перамогі над Ганнай Міхалковай з Чэхіі, азербайджанкай Рузанай Мамадавай і Анай Марыяй Пію з Румыніі. Супрацьстаяць Гетманавай у вырашальным паядынку заўтра будзе расіянка Анастасія Сідзельнікава.

У катэгорыі да 55 кг беларуска Аляксандра Булава дайшла да паўфіналу, дзе саступіла ўкраінцы Марыі Віннік. У чацвер Булаву чакае сутычка за бронзавы медаль з Анастасіяй Яндушкінай з Расеі. Таксама шанец на прызы захоўвае наша Вікторыя Радзькова (да 68 кг), якая заўтра выступіць у суцяшальным турніры. Каб заваяваць бронзу беларусцы неабходна адолець Жужанну Мальнар у адборы, а затым перамагчы немку Сафію Шэфле ў паядынку за трэцяе месца.

Яшчэ адна прадстаўніца нашай каманды Аляксандра Казлова (да 76 кг) завяршыла выступленні на стадыі чвэрцьфіналу, прайграўшы турчанцы Назар Бацір. Астатняя пяцёрка жаночай каманды Беларусі стартуе на чэмпіянаце Еўропы заўтра.

Усяго турнір у Баку сабраў каля 400 спартсменаў не старэйшых за 23 гады з 32 краін.

Прэв’ю: БелТА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».