Вы тут

Памятны знак камандзірам-пагранічнікам адкрылі ў Брэсце


У Брэсце 22 мая ва ўрачыстай абстаноўцы адкрылі памятны знак камандзірам Брэсцкага пагранічнага атрада Фёдару Урублеўскаму і Івану Барсукову. У цырымоніі ўзяў удзел Старшыня Дзяржаўнага пагранічнага камітэта Канстанцін Моластаў, паведамляе БелТА.


Фёдар Урублеўскі ўзначальваў Брэсцкі Пагранічны атрад з моманту заснавання да 1952 года. Менавіта пад яго камандаваннем адбывалася аднаўленне граніцы ў раёне Брэста ў пасляваенны час. Герой Савецкага Саюза Іван Барсукоў кіраваў пагранатрадам у 1988-1993 гадах. Служба абодвух камандзіраў прыйшлася на няпростыя для краіны перыяды. Яны былі прыкладам для падначаленых, вялікую ўвагу надавалі боегатоўнасці і прафесійнай падрыхтоўцы асабістага складу.

Памятны знак усталявалі на скрыжаванні вуліц, якія носяць імёны Фёдара Урублеўскага і Івана Барсукова. «Пагранічнікі Беларусі беражліва ставяцца да захавання памяці і працягу традыцый папярэдніх пакаленняў вартавых граніцы», — падкрэсліў Канстанцін Моластаў.

Не змагла прапусціць такую падзею дачка Івана Барсукова Жанна Царук. «Гэта вельмі важна, таму што захоўваецца памяць пра герояў-пагранічнікаў. Гэтыя людзі абаранялі межы нашай Радзімы. На іх прыкладзе выхоўваецца падрастаючае пакаленне», — адзначыла Берасцейка. У сям’і трапятліва захоўваюць памяць пра Героя Савецкага Саюза, некаторыя яго рэчы перададзены ў музей Брэсцкай пагранічнай групы.

У абласным цэнтры сёння праходзяць мерапрыемствы, прысвечаныя 80-годдзю Брэсцкай пагранічнай групы. Віншаванні і словы падзякі за службу асабоваму складу і ветэранам адрасавалі дзяржаўны сакратар Савета бяспекі Аляксандр Вольфавіч, Старшыня Дзяржаўнага пагранічнага камітэта Канстанцін Моластаў, старшыня Брэсцкага аблвыканкама Юрый Шулейка. Ва ўрачыстай абстаноўцы ваеннаслужачым пагранічнай групы ўручылі ўзнагароды, граматы і падзякі, чарговыя воінскія званні.

Прэв’ю: “Заря”

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».