Вы тут

Турнір «Час першых» стартуе 24 мая ў Беларусі


Рэспубліканскі турнір «Час першых» стартуе 24 мая. Аб гэтым БелТА паведамілі ў прэс-службе МНС.


Турнір арганізаваны Міністэрствам па надзвычайных сітуацыях сумесна з рэспубліканскім грамадскім аб’яднаннем «Патрыёты Беларусі» і будзе праходзіць на базе філіяла «Інстытут перападрыхтоўкі і павышэння кваліфікацыі» Універсітэта грамадзянскай абароны МНС пад Барысавам.

Каманды вядучых заводаў і фабрык Беларусі на тры дні акунуцца ў прафесію «ратавальнік-пажарны» і пройдуць падрыхтоўку, якая дасць магчымасць значна павысіць узровень ведаў правіл бяспекі працоўнага калектыву і гатоўнасці да рэагавання на надзвычайныя сітуацыі як на вытворчасці, так і ў быце.

Удзельнікам трэба будзе пераадолець выпрабаванні агнём і вадой, вызначыцца творчымі ўменнямі і крэатывам у мастацкім конкурсе, прадэманстраваць веды, спрытнасць, стойкасць, камандны дух, бо абавязковымі складнікамі поспеху з’яўляюцца з’яднанасць каманды, упэўненасць у сабе і тых, хто з табой побач. Таксама каманды пройдуць абучэнне па аказанні першай дапамогі, асновах прамысловага альпінізму, правілах бяспекі жыццядзейнасці.

Конкурсы будуць праходзіць на вучэбных пляцоўках палігона аператыўна-тактычнай падрыхтоўкі ратавальнікаў, якія з’яўляюцца ўнікальнай лабараторнай базай пад адкрытым небам, што дазваляе мадэліраваць увесь спектр надзвычайных сітуацый прыроднага і тэхнагеннага характару. А ў свабодны час ва ўдзельнікаў будзе цудоўная магчымасць падзяліцца ўражаннямі і эмоцыямі, паразмаўляць і пазнаёміцца з аднадумцамі з розных куткоў Беларусі.

Прадбачыць складаныя сітуацыі і правільна дзейнічаць у выпадку неабходнасці — тое, чаму павінны навучыцца ўдзельнікі за час праекта. Акрамя таго, выпрабаванні павінны прывіць высокія маральна-псіхалагічныя якасці ва ўдзельнікаў, пачуццё ўзаемадапамогі і таварыства, выхаваць адказнасць за пытанні асабістай бяспекі.

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».