Вы тут

На «Беларусь 3» убачым «Біяграфію маёй рэспублікі»


У рамках эфірных акцый, прымеркаваных да векавога юбілею беларускага кінематографа, сацыякультурны тэлеканал працягвае знаёміць гледачоў са здабыткамі залатога фонду Белтэлерадыёкампаніі. Так, з 27 мая ў эфіры «Беларусь 3» пакажуць 6-серыйны дакументальна-хранікальны фільм «Біяграфія маёй рэспублікі».


Фота з адкрытых крыніц

У аснове кінастужкі (1968, рэжысёры — І. Рудамётаў, В. Карпілаў, І. Вейняровіч, У. Станкевіч, А. Ястрабаў) — унікальныя дакументальныя кадры, якія аўтарам давялося збіраць у беларускіх і расійскіх архівах, а таксама рэдкія кадры значных падзей, зафіксаваныя рэжысёрамі Беларускага тэлебачання. Фільм, створаны да 50-годдзя БССР, падрабязна распавядае пра гісторыю развіцця нашай краіны і дасягненні народа ў розных сферах. Відэастужка з фільмам «Біяграфія маёй рэспублікі» захоўваецца ў Беларускім дзяржаўным архіве кінафотафонадакументаў. Літаральна нядаўна спецыялісты галоўнай дырэкцыі фондавых матэрыялаў генеральнага прадзюсарскага цэнтра Белтэлерадыёкампаніі пачалі работу па алічбоўванню фільма.

— У працэсе алічбоўвання кінастужкі 1968 года і пры апрацоўцы дадзенага матэрыялу, безумоўна, узнікае шэраг праблем. Таму над рэстаўрацыяй адной серыі інжынер працуе з вялікай канцэнтрацыяй увагі не менш за чатыры дні, — адзначае галоўны дырэктар галоўнай дырэкцыі фондавых матэрыялаў Ала Вярэніч.

Стужка існуе ў двух моўных варыянтах — беларускім і рускім. І, як паказала практыка, гэта стала добрай падмогай у працэсе алічбоўвання і ўзнаўлення.

— Варыянт на беларускай мове якасна горшы, таму патрабуе больш працяглага рабочага працэсу з параметрамі гуку і відэавыявы, — патлумачыла Ала Вярэніч.

У тэлегледачоў будзе магчымасць пазнаёміцца з абодвума варыянтамі дакументальна-хранікальнай стужкі. Так, на тыдні з 27 мая тэлеканал «Беларусь 3» у рамках рэтраспектыўнага паказу прапануе ўбачыць усе серыі фільма «Біяграфія маёй рэспублікі» з агучкай на рускай мове.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.