Вы тут

У Санкт-Пецярбургу — пра Беларусь і беларусаў


13-14 чэрвеня ў горадзе на Няве пройдзе міжнародная канферэнцыя «Санкт-Пецярбург і беларуская культура». Арганізатар — Расійская нацыянальная бібліятэка. Калі быць болей дакладнымі — Цэнтр усходнеславянскіх даследванняў гэтай старэйшай кніжніцы Расіі. 


Да ўдзелу ў гэтай значнай навукова-практычнай імпрэзе ў фармаце беларуска-расійскага гуманітарнага супрацоўніцтва запрошаны і Выдавецкі дом «Звязда», і выдавецтва «Мастацкая літаратура». Падзею анансіруе галоўны рэдактар выдавецтва «Мастацкая літаратура» — галоўны рэдактар часопіса «Полымя» паэт, празаік і перакладчык Віктар Шніп:

Канферэнцыя стала добрай традыцыяй, якая нагадвае пра масштаб прысутнасці нашых суродзічаў у гісторыі Санкт-Пецярбурга. Генератар гэтага аўтарытэтнага форума — кіраўнік Цэнтра ўсходнеславянскіх даследванняў, загадчык Аддзела рэдкіх кніг Расійскай нацыянальнай бібліятэкі доктар філалагічных навук Мікалай Віктаравіч Нікалаеў. Ураджэнец Беларусі, ён неверагодна шмат зрабіў у галіне вывучэння кніжнай культуры Беларусі, увогуле ў справе вывучэння беларускай культуры, гісторыі нашай Айчыны. Спадзяюся, што і сёлетняя канферэнцыя істотна паспрыяе пашырэнню стасункаў беларусаў з Санкт-Пецярбургам. 

Нагадаем, што зусім нядаўна ў Выдавецкім доме «Звязда» пабачыла свет адмысловая кніга, прысвечаная дзеячу беларускай і расійскай культуры Льву Клейнбарту. У свой час быў выдадзены літаратурна-мастацкі альманах «Созвучие. Беларусь — Санкт-Петербург». Сярод аўтараў Выдавецкага дома «Звязда» быў і санкт-пецярбургскі літаратара Барыс Косцін, які выдаў у Мінску кнігу пра С. Полацкага. 

Мацвей ПАШКОЎСКІ

Прэв’ю: pexels.com

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.