Вы тут

РІКВ: Заданні для ЦЭ і ЦТ праходзяць не толькі ўнутраную, але і знешнюю экспертызу


Заданні для цэнтралізаванага экзамену і цэнтралізаванага тэсціравання праходзяць не толькі ўнутраную, але і знешнюю экспертызу. Аб паведаміў БелТА дырэктар Рэспубліканскага інстытута кантролю ведаў Юрый Міксюк.


Фота БелТА

«Пытанне адпаведнасці заданняў ЦЭ і ЦТ школьнай праграме пастаянна задаецца і пастаянна кантралюецца. З году ў год заданні праходзяць не толькі нашу, але і знешнюю экспертызу — ёсць група экспертаў. Без гэтага ў такіх рэчах не абысціся. Таму тэставыя заданні адпавядаюць базаваму ўзроўню школьнай праграмы для таго, каб усе маглі быць у роўных умовах. Таму там няма ніякіх задач з зорачкай. Больш таго, метадыст па любым заданні можа сказаць, у якім падручніку, у якім параграфе, на якой старонцы ёсць адказ на канкрэтнае пытанне. Па кожным прадмеце ёсць падрабязныя спецыфікацыі, яны апублікаваны», — расказаў Юрый Міксюк.

Нягледзячы на гэта, кожны год ёсць рэзультаты па тэсціраванні, роўныя нулю балаў. «Нулі былі заўсёды, але па нейкіх прадметах іх менш, па нейкіх больш. Больш за ўсё такіх рэзультатаў па матэматыцы», — дадаў дырэктар РІКВ.

Намеснік начальніка галоўнага ўпраўлення агульнай сярэдняй і дашкольнай адукацыі — начальнік упраўлення агульнай сярэдняй адукацыі Міністэрства адукацыі Ірына Каржова праінфармавала, што ў мінулым годзе на цэнтралізаваным экзамене было каля 30 нулявых рэзультатаў.

«Гэта невялікая колькасць на 53 тыс. тых, хто здаваў тэсты па ўсіх прадметах. Больш за ўсё такіх рэзультатаў было сапраўды па матэматыцы. Трэба памятаць, што навучэнцы, якія атрымліваюць 0 балаў, сертыфікат не атрымліваюць, таму што ён выдаецца толькі тым, хто атрымаў ад 1 бала і больш. Гэта значыць ты атрымаў 1 бал, сертыфікат ты атрымліваеш, але гэта не значыць, што ты атрымліваеш атэстат. Нагадаю, у атэстат выстаўляецца сярэднеарыфметычнае значэнне гадавой адзнакі і адзнакі ў сертыфікаце ЦЭ, пераведзенай у дзесяцібальную шкалу. Атэстат выдаецца, калі падагульняючая адзнака — вось гэта сярэднеарыфметычнае — складае 3 балы і вышэй. На цэнтралізаваны экзамен таксама дапускаюцца навучэнцы, якія маюць гадавую адзнаку ад 3 балаў і вышэй. Цяпер давайце лічыць, калі ты прыйшоў на цэнтралізаваны экзамен, у цябе гадавая адзнака — 3, у сертыфікаце ЦЭ ў цябе 1 бал, сярэднеарыфметычнае атрымліваецца 2, гэта значыць атэстат ты не атрымаеш. Але калі ты прыйшоў на цэнтралізаваны экзамен, і ў цябе гадавая адзнака — 4, у сертыфікаце 1, то ў атэстат ідзе адзнака 3 на карысць навучэнца», — адзначыла Ірына Каржова.

Выбар рэдакцыі

Культура

І зноў закружыць фестываль...

І зноў закружыць фестываль...

Яркімі фарбамі і самабытнай музыкай напоўніў горад XXІІІ Нацыянальны фестываль «Маладзечна-2024». 

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.