Вы тут

Цуран: У Мінску працягнуць уладкоўваць зялёныя зоны


У Мінску працягнецца ўладкаванне зялёных зон, каб зрабіць іх яшчэ больш прывабнымі для гараджан. Сёння гэтую тэму абмеркавалі дэпутаты Мінскага гарадскога савета на выязным пасяджэнні камісій па горадабудаўніцтве, жыллёвай палітыцы, землекарыстанні і экалогіі, а таксама па гарадской гаспадарцы, транспарце і сувязі, перадае БелТА.


Фота БелТА

Прадстаўнікі дэпутацкага корпуса наведалі экасцежку «Чыжоўка» і заапарк, ацанілі наяўную інфраструктуру і абмеркавалі планы на бліжэйшыя гады па афармленні экамаршрутаў, праекты ў сферы экалагічнага выхавання і асветы.

Як растлумачыў журналістам старшыня Мінгарсавета Арцём Цуран, экасцежкі пачалі стварацца ў Мінску з 2016 года сумесна з Мінскім гарадскім камітэтам прыродных рэсурсаў і аховы навакольнага асяроддзя. А з 2022 года па ініцыятыве кіраўніцтва горада ў раёнах сталі добраўпарадкоўваць зялёныя зоны ўжо з ухілам на рэлакс, адпачынак.

«Абодва напрамкі вельмі важныя. Прыводзяцца ў парадак тэрыторыі, якія раней не былі прыдатныя для наведвання насельніцтвам, — адзначыў Арцём Цуран. — Не менш значнае і экалагічнае выхаванне, каб з самага ранняга ўзросту мінчане разумелі, наколькі каштоўна, калі ў горадзе маюцца зялёныя астраўкі, дзе можна адпачыць, падыхаць свежым паветрам».

У заапарку дэпутатам расказалі аб дынаміцы прыцягнення наведвальнікаў, аб падрыхтоўцы да рэалізацыі праекта па стварэнні адміністрацыйнага будынка. «Гэта запатрабавана ў частцы экалагічнага выхавання, заняткаў з дзецьмі. Цяпер такой пляцоўкі, на жаль, няма», — распавёў Арцём Цуран.

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.