Вы тут

Падвялі вынікі конкурсу дзіцячай творчасці «Выконваем законы дарог!»


У Нацыянальным цэнтры мастацкай творчасці дзяцей і моладзі падвялі вынікі 20-га рэспубліканскага конкурсу дзіцячай творчасці «Выконваем законы дарог!», узнагародзілі пераможцаў і прызёраў, паведамляе МУС Беларусі.


Штогадовы праект галоўнага ўпраўлення Дзяржаўтаінспекцыі і Міністэрства адукацыі прыцягвае вялікую колькасць удзельнікаў. Сёлета па выніках рэгіянальных тураў у фінальны этап выйшлі больш за 250 работ па тэме захавання правілаў руху і бяспекі на дарогах. Лепшых у намінацыях «Малюнак», «Выраб» і «Сачыненне» вызначалі ў трох узроставых катэгорыях.

Прайшла выстава ўнікальных творчых твораў, прадстаўленых на суд журы, а таксама дэманстрацыя прафілактычных відэаролікаў. Нікога не пакінула абыякавым і інтэрактыўная праграма «Планета дзяцінства».

Вітаючы таленавітых канкурсантаў, намеснік начальніка ГУ ДАІ МУС Віктар Ротчанкаў падзякаваў ім за ўдзел, пажадаў цікавых і, галоўнае, бяспечных канікулаў.

Падчас цырымоніі ўзнагароджання лаўрэатам уручылі дыпломы і каштоўныя падарункі. Знайшлі сваіх уладальнікаў і прызы сімпатый гледачоў.

Выбар рэдакцыі

Грамадства

Як гэта — быць сучасным ратавальнікам?

Як гэта — быць сучасным ратавальнікам?

Карэспандэнт «Звязды» паглыбіўся ў прафесію.

Эканоміка

Першыя —  найлепшыя!

Першыя — найлепшыя!

Віцебшчына ўвайшла ў актыўную фазу ўборкі па ўсіх культурах. 

Грамадства

Тое,  што вырасцілі самі

Тое, што вырасцілі самі

За шэсць месяцаў гэтага года нарыхтоўшчыкі Белкаапсаюза выплацілі насельніцтву 146 мільёнаў рублёў.