Прэзідэнты Беларусі і Манголіі Аляксандр Лукашэнка і Ухнаагійн Хурэлсух прадаўжаюць сустрэчу, на гэты раз у нефармальнай абстаноўцы. Кіраўнік беларускай дзяржавы прыехаў у загарадны Цэнтр мангольскай культуры, перадае БелТА.
Аляксандр Лукашэнка азнаёміўся з самабытнымі традыцыямі і звычаямі народа Манголіі.
Адразу пасля прыбыцця лідары краін на тэрыторыі цэнтра пасадзілі дрэвы — сібірскія елкі.
У гонар высокага госця з Беларусі для кіраўнікоў дзяржаў узнавілі атмасферу мангольскага агульнанацыянальнага фестывалю Наадам, які штогод праводзіцца ў ліпені. Вакальныя і харэаграфічныя нумары дэманструюцца ўперамешку з традыцыйнымі мангольскімі відамі спорту. Адзін з іх — барацьба.
Аляксандру Лукашэнку прадэманстравалі традыцыйны мангольскі лук для стральбы. Стрэлы робяцца з аленевых рагоў і бамбуку, а цеціва — з шоўку. Кіраўнікі дзяржаў паназіралі за стральбой майстроў. Разам з мангольскім калегам апрабаваў лук і Прэзідэнт Беларусі. З першага ўжо выстралу страла паляцела больш як на 75 метраў.
Кіраўнікі дзяржаў прадоўжылі размову за нефармальным абедам.
Фота: БелТА
Напярэдадні прафесійнага свята педагогаў у Нацыянальным прэс-цэнтры абмеркавалі імідж настаўніка, усебаковае развіццё студэнтаў педагагічных ВНУ і новыя праекты.
Укараняюцца інавацыйныя тэхналогіі ў практыку работы дзіцячых садкоў.
Цэны на ліквіднае жыллё ў сталіцы выраслі на 5 працэнтаў.
