Вы тут

Надвор'е: Моцныя дажджы і навальніцы «патушаць» спякоту, але не надоўга


Пачатак гэтага тыдня абяцае быць дажджлівым. Пры развіцці воблачнасці і залішняй вільготнасці ноччу месцамі ў паўночных і цэнтральных раёнах, а днём у асобных раёнах па паўднёвым усходзе дажджы будуць дасягаць крытэрыяў моцных. Пры навальніцах месцамі будзе ўзмацняцца вецер да моцнага парывістага, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота з адкрытых крыніц

У аўторак нашу краіну чакае «супердождж». У гэтыя суткі, ноччу на большай частцы тэрыторыі, а днём пераважна па ўсходняй палове краіны пройдуць дажджы, месцамі моцныя. Ноччу ў многіх раёнах, а днём па ўсходняй палове прагрымяць навальніцы, пры навальніцах месцамі ўзмацненне ветру парывамі 15–20 м/с. У начныя і ранішнія гадзіны ў асобных раёнах згусціцца туман. Тэмпература паветра ўдзень складзе ад 21 да 27 градусаў.

У ноч на сераду ў нашай краіне захаваецца ўплыў няўстойлівых паветраных мас. Таму кароткачасовыя дажджы пройдуць месцамі па тэрыторыі краіны. Днём фон атмасфернага ціску будзе расці, і ў большасці раёнаў істотных ападкаў не чакаецца, толькі па паўднёвым усходзе, дзе будзе адбівацца ўплыў малаактыўнага атмасфернага фронту, месцамі пройдуць кароткачасовыя дажджы. У асобных раёнах магчымы навальніцы. Ноччу і раніцай месцамі слабы туман. У цёмны час сутак пахаладае значна. Тэмпература паветра ўначы будзе ад 7 да плюс 14 градусаў, а па паўднёвым усходзе — да 17 градусаў. Днём тэмпература павысіцца да 19–24 цяпла.

Згодна з папярэднім прагнозам айчынных сіноптыкаў, у далейшым пры павышаным фоне атмасфернага ціску ападкаў па краіне чакаецца няшмат, яны будуць адзначацца лакальна і насіць кароткачасовы характар. Месцамі дажджы будуць суправаджацца навальніцамі. У чацвер пераважна без ападкаў. У начныя і ранішнія гадзіны месцамі слабы туман. Уначы слупкі тэрмометраў пакажуць 7–13 градусаў, удзень — 17–24 цяпла.

У пятніцу месцамі па краіне, днём і ноччу прагназуюцца кароткачасовыя дажджы, а часам навальніцы. Ноччу і раніцай у асобных раёнах слабы туман. Тэмпература паветра ўначы будзе вагацца ад 7 да 14 градусаў, а ўдзень — ад 18 да 25 градусаў. І ў суботу месцамі па краіне пройдуць кароткачасовыя дажджы, магчымы навальніцы. Ноччу і раніцай у асобных раёнах слабы туман. Тэмпература паветра ўначы дасягне 7–14 градусаў, а ўдзень стане цяплей — да 19–25 цяпла. Адносна дажджлівай чакаецца і нядзеля, калі атмасферны фон пачне павольна падымацца. У гэты дзень месцамі па краіне чакаюцца кароткачасовыя дажджы, магчымы навальніцы. У начныя і ранішнія гадзіны ў асобных раёнах слабы туман. Уначы сіноптыкі абяцаюць ужо ад 8 да 14 градусаў, а ўдзень — ад 19 градусаў на поўначы, да 27 цяпла на поўдні краіны.

Сяргей КУРКАЧ

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.