Вы тут

Лазарэвіч: Беларуская прадукцыя павінна максімальна прысутнічаць на рынку Азербайджана


Беларуская прадукцыя павінна максімальна прысутнічаць на рынку Азербайджана, заявіла журналістам першы намеснік старшыні Мінскага гарвыканкама Надзея Лазарэвіч, перадае БелТА.


Фота БелТА

Парламенцкая дэлегацыя Азербайджана на чале са старшынёй Мілі Меджліса Азербайджанскай Рэспублікі Сагібай Гафаравай наведала гандлёвы цэнтр «Першы нацыянальны гандлёвы дом». Дэлегацыю суправаджала старшыня Савета Рэспублікі Наталля Качанава.

«Гандлёвы цэнтр «Першы нацыянальны гандлёвы дом» — гэта гордасць для нашай краіны. І вельмі прыемна, што старшыня Мілі Меджліса Азербайджана наведала яго. Аб чым мы гаварылі? Аб тым, што трэба павялічваць нашы магчымасці. Патэнцыял у нас вялікі для таго, каб прысутнічаць на рынку Азербайджана. Мы ў гэтым годзе падпісалі пабрацімства з Баку. Таму, вядома, нашы тавары, якія выраблены ў Рэспубліцы Беларусь, у горадзе Мінску, павінны прысутнічаць максімальна на рынку Азербайджана, — адзначыла Надзея Лазарэвіч. — Абмеркавалі ў тым ліку тэму інвестыцый. Азербайджанскі бізнес у гэтым зацікаўлены. Тут вельмі шмат можна развіць у частцы вялікага патэнцыялу прамысловых прадпрыемстваў, лёгкай, цяжкай прамысловасці».

На парадку дня была і тэма жаночага бізнес-форуму. «Спадзяюся, ён пройдзе ў бліжэйшы час у Баку. Нас ужо запрасілі. Таму будзем паказваць і расказваць аб нашых магчымасцях, — падкрэсліла першы намеснік старшыні. — Трэба развіваць партнёрскія адносіны ў гандлі і ў прамысловых маштабах, менавіта сумесныя прадпрыемствы адкрываць, якія яшчэ больш узмоцняць патэнцыял абедзвюх краін».

Старшыня Мілі Меджліса Азербайджанскай Рэспублікі сёння таксама наведала Нацыянальную бібліятэку Беларусі. У ходзе экскурсіі ёй падарылі кнігу пра герояў-абаронцаў Беларусі родам з Азербайджана і беларускую дзіцячую кнігу пра Азербайджан. Сагіба Гафарава пакінула запіс у Кнізе ганаровых гасцей Нацыянальнай бібліятэкі Беларусі.

Выбар рэдакцыі

Культура

Сусвет пад крыламі наміткі

Сусвет пад крыламі наміткі

Гутарка з мастацтвазнаўцам Марыяй Віннікавай.

Грамадства

Дадатак для падаткаў

Дадатак для падаткаў

Ключавыя навацыі звязаны з лічбавай сферай.