Вы тут

Медалі і пасведчанні выпускнікам Магілёўскага раёна ўручылі на Буйніцкім поле


Прыгожыя і нарадныя, з сонечнымі, шчаслівымі ўсмешкамі на вуснах, яны, выпускнікі навучальных устаноў Магілёўскага раёна, сталі сёння героямі цудоўнага свята. Быць ушанаванымі на адным з легендарных месцаў Беларусі — Буйніцкам полі, полі Славы і Мужнасці — вельмі знамянальна. У Год якасці вышэйшы клас у вучобе прадэманстравалі 24 юнакі і дзяўчыны. Ва ўрачыстай абстаноўцы ім былі ўручаны медалі Міністэрства адукацыі Рэспублікі Беларусь «За выдатныя веды» і пасведчанні аб агульнай базавай адукацыі «З адзнакай». Павіншаваць навучэнцаў прышлі прадстаўнікі мясцовай улады, грамадскіх арганізацый, дэпутаты. 


— Гэтыя медалі — ўзнагароды, у тым ліку і для вашых бацькоў і педагогаў, — звярнуўся да прысутных з віншавальным словам старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па ахове здароўя, фізічнай культуры, сямейнай і маладзёжнай палітыцы Валерый Малашка. — Хочацца, каб ваша пуцёўка ў жыццё была паспяховай. Вы выбераце сабе прафесію па душы, пойдзеце рознымі дарогамі. Але самае галоўнае — заўсёды любіце і беражыце родную Беларусь, шануйце сваю малую радзіму, не забывайце сваіх педагогаў, якія ўклалі ў вас сваю душу і сэрца.

Разумнікі і разумніцы прымалі віншаванні, узнагароды і кветкі, у іх гонар гучалі песні. Старшыня праўлення Магілёўскага абласнога аддзялення грамадскай арганізацыі «Беларускі фонд міру» Андрэй Нікіцін падарыў медалістам грашовыя сертыфікаты. Такія сертыфікаты атрымалі лепшы спартсмен раёна, выпускнік Буйніцкай школы Ягор Арэшкаў і пераможца рэспубліканскай алімпіяды па тэхнічнай працы, які паказаў самы лепшы ў краіне вынік, выпускнік Кадзінскай школы Аляксей Кабзарэнка. Словы падзякі адрасавала выпускнікам начальнік аддзела па адукацыі Магілёўскага райвыканкама Наталля Колас. Яна адзначыла, што ў Год якасці адбылася сапраўдная магія лічбаў. 

— У сёлетнім 2024 годзе ў нас 124 выпускнікі і 24 медалі, — звярнула яна ўвагу. — Прыгожая і вельмі натхняючая лічба. У нас вялікая надзея на нашых выпускнікоў. Мы ўпэўненыя, што яны стануць годнымі грамадзянамі нашай краіны.

Нэлі ЗІГУЛЯ

Фота БелТА

Выбар рэдакцыі

Эканоміка

Сёлетні ўраджай трэба сабраць без страт

Сёлетні ўраджай трэба сабраць без страт

 Убраць з палёў трэба будзе больш за 2 мільёны збожжавых каласавых і зернебабовых культур без кукурузы, грэчкі і проса. 

Грамадства

Дадатак для падаткаў

Дадатак для падаткаў

Ключавыя навацыі звязаны з лічбавай сферай. 

Грамадства

Вікторыя Шумельчык: «Ніколі не глянула б на мужчыну-лайдака»

Вікторыя Шумельчык: «Ніколі не глянула б на мужчыну-лайдака»

Вонкава яна — рамантычная светлавалосая жанчына...