Вы тут

У Чыжоўцы шмат цікавых лакацый для адпачынку і прагулак


У Чыжоўцы шмат цікавых лакацый для адпачынку і прагулак. Карэспандэнт «Звязды» пачаў з незвычайнага — пошуку невядомага парку.Нават мясцовае Чыжоўскае насельніцтва толкам не ведала, дзе ў іх знаходзіцца парк Чырвоная Слабада. «За дзесятай бальніцай і будынкам, дзе на лётчыкаў вучаць, лес, там пашукайце» — параіла пара пенсіянераў.


Людзі не памыліліся — на карце гэтая лакацыя таксама была адзначана як парк Чырвоная Слабада. Вузкая сцяжынка ідзе ўздоўж тылавой, дваровай тэрыторыі акадэміі авіяцыі. Вялікі цёмны лес, унізе срэбнай стужкай цячэ Свіслач — такі пейзаж больш падобны на артадаксальны з таямнічай казкі, чым на паркавы. Падобны яр, але менш круты і высокі, ёсць у Лошыцкім парку. Пра той гісторыкі расказваюць, што ў пачатку ХХ стагоддзя з яго скокнула ў Свіслач пані Ядвіга, якая здрадзіла мужу — графу Яўстафію Любанскаму з губернатарам Мінска, таксама графам, Мусіным-Пушкіным. Яр парку Чырвоная Слабада круцейшы і на вузкай сцяжынцы трэба быць уважлівым, каб не спатыкнуцца і не апынуцца ў «хісткім становішчы» без усялякай псіхалагічнай падаплёкі. Маю боязь развеялі... старыя брэндавыя самалёты грамадзянскай авіяцыі СССР, якія можна было разгледзець праз металічную агароджу. 

Нічога дзіўнага — Беларуская Дзяржаўная акадэмія авіяцыі (БДАА) была створана 1 кастрычніка 1974 года. Тады гэта было Мінскае авіяцыйнае тэхнічнае вучылішча грамадзянскай авіяцыі — знакамітая МАТУГА. (Сам мікрараён пачаў будавацца на месцы вёскі Чыжоўка з 1964 года). Наяўнасць рарытэтнай тэхнікі — гісторыя Мінскіх авіятараў.

Адносна Чырвонай Слабады, дык гэтая мясціна, размешчаная ў пойме Свіслачы паміж вуліцай Галадзеда і МКАД, атрымала сваю назву ад старой вёскі, якая да 1923 года называлася — Архіерэйская Слабада. З вясны гэтага года прыйшла добрая навіна: у Мінску ўзялі пад ахову рэдкі біятоп — лес плошчай 2,6767 га. Старарослая дуброва з ліпай, клёнам, ясенем, якія растуць у ярах і на схілах паўднёва-ўсходняй ускраіны парка Чырвоная Слабада і іншыя прадстаўнікі флоры, будуць расці зараз пад пільнай увагай прыродаахоўных структур.

Чыжоўка адносіцца да спальных раёнаў Мінска, але да вельмі зялёных і спрыяльных для пражывання, дзякуючы выгаднаму ландшафтна-прыроднаму размяшчэнню, рацэ Свіслач і вадасховішчу. Заапарк, напрыклад, даўно адносіцца да славутасцяў Заводскага раёна і сталіцы ў цэлым. Толькі тут гняздуюцца сталічныя буслы — дзве пары на ўвесь Мінск! Парк імя 900-годдзя Мінска, пракладзеныя і добраўпарадкаваныя экалагічныя сцежкі для прагулак і адпачынку сталі прыродным «зазямленнем» для ўрбанізаваных беларусаў. Моднай з’яўляецца таксама зона адпачынку «Спякота», куды прыходзяць за рэлаксам і дзяцей пацешыць жыхары бліжэйшых новабудоўляў вуліцы Карзюкі. Была такая вёска, на месцы якой, як прынята ў Чыжоўцы, зараз горад.

Па суседству са «Спякотай», бліжэй да Лошыцы знаходзіцца не менш цікавая лакацыя з птушынай назвай «Чомга-востраў». Адсюль таксама адкрываюцца сімпатычныя, чыжоўска-водныя пейзажы. А прайшоўшы праз два пешаходныя масткі, можна трапіць на тэрыторыю астраўной Серабранкі. І гэта, як аказалася, самы кароткі шлях, які злучае Завадскі і Ленінскі раёны, таму тут амаль заўсёды, асабліва па выходных, назіраецца людскі рух!


Аляксандр Грыгор’еў

Фота аўтара

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.