Вы тут

ЦТ па ўсіх прадметах у рэзервовы дзень напішуць больш за 340 абітурыентаў


Цэнтралізаванае тэсціраванне па ўсіх прадметах у рэзервовы дзень сёння напішуць больш як 340 абітурыентаў. Аб гэтым расказаў дырэктар Рэспубліканскага інстытута кантролю ведаў Юрый Міксюк, паведамляе БелТА.


Фота: БелТА

«Сёння, 19 чэрвеня — першы рэзервовы дзень для ўдзельнікаў ЦТ. Цэнтралізаванае тэсціраванне пройдзе па ўсіх прадметах у шасці пунктах (пункт ёсць у кожным абласным горадзе). На выпрабаванні зарэгістраваліся больш як 340 абітурыентаў», — праінфармаваў Юрый Міксюк.

Абітурыентаў, якія здаюць сёння ЦТ, рыхтуюцца прыняць у БДУ, у Беларуска-Расійскім універсітэце, у Брэсцкім дзяржаўным тэхнічным універсітэце, у Віцебскім дзяржаўным тэхналагічным універсітэце, у Гомельскім дзяржаўным тэхнічным універсітэце імя П. А. Сухога і ў Гродзенскім дзяржаўным універсітэце імя Янкі Купалы.

Іспыты стартуюць па ўсёй краіне адначасова ў 11.00. Удзельнік павінен прыбыць у пункт правядзення ЦТ загадзя. Пры сабе трэба мець пропуск, дакумент, які сведчыць асобу (пашпарт, ID-карта (пластыкавая смарт-карта), пасведчанне на права жыхарства ў Беларусі, пасведчанне бежанца, даведка, якая выдаецца ў выпадку страты (крадзяжу) дакумента, які сведчыць асобу), ручку (гелевую або капілярную) з чарніламі чорнага колеру. Школьнікі без дакумента, які сведчыць асобу, да праходжання іспытаў не будуць дапушчаны. Не патрапяць на іспыт і тыя, хто спазняцца і прыбудуць на ЦТ пасля выкрыцця пакета з экзаменацыйнымі працамі.

Таксама рэзервовымі сёлета вызначаны, акрамя 19 чэрвеня, 21 і 23 чэрвеня. 21-га пройдуць ЦЭ і ЦТ па профільных прадметах, а 23 чэрвеня адбудуцца ЦЭ і ЦТ па рускай ці беларускай мове. Ёсць яшчэ іншыя тэрміны — гэта 19 і 21 жніўня. У гэты час іспыты будуць праходзіць тыя, хто па ўважлівых прычынах не змог прысутнічаць у папярэднія тэрміны, у тым ліку ў рэзервовыя, а таксама парушальнікі правіл паводзін у аўдыторыі. Неабходна памятаць, што абітурыенты, якія здаюць цэнтралізаваны экзамен у жніўні, удзельнічаць у прыёмнай кампаніі ў ВНУ не змогуць, пайсці вучыцца можна будзе толькі ва ўстановы прафесійна-тэхнічнай і сярэдняй спецыяьнай адукацыі.

Атрымаўшы ў аўдыторыі бланк экзаменацыйных заданняў, удзельніку ЦТ неабходна пераканацца, што нумар варыянта бланка адказаў адпавядае нумару варыянта экзаменацыйнай работы. Выпускніку трэба запісаць нумар бланка адказаў у пропуск. Пасля таго, як адведзены на выпрабаванне час скончыцца, малады чалавек павінен здаць экзаменацыйныя матэрыялы і лісты для працоўных запісаў.

Важна памятаць, што згодна з правіламі правядзення ЦТ, удзельнікам катэгарычна забараняецца праносіць і выкарыстоўваць у аўдыторыях, дзе праводзіцца экзамен, любыя прадметы, акрамя дакумента, які сведчыць асобу, ручкі, пропуску і калькулятара (толькі на іспыт па хіміі і фізіцы). Таксама нельга фальсіфікаваць дадзеныя ў раздзеле рэгістрацыі бланка адказаў, мяняцца месцамі ў аўдыторыі, экзаменацыйнымі матэрыяламі, карыстацца дапамогай іншых удзельнікаў. Пакараюць за ўнясенне інфармацыі ў бланк адказаў пасля заканчэння часу іспыту, за наяўнасць пры сабе сродкаў сувязі, электронна-вылічальнай тэхнікі, фота-, аўдыё- і відэаапаратуры, а таксама шпаргалак на любых носьбітах, іншых прылад прыёму, захоўвання і перадачы інфармацыі. Акрамя таго, забаронена выносіць з аўдыторый і пункта правядзення тэсціравання экзаменацыйныя матэрыялы, лісты для працоўных запісаў, пісьмовыя нататкі, фатаграфаваць экзаменацыйныя матэрыялы, размаўляць паміж сабой у аўдыторыях, абменьвацца чым-небудзь з іншымі ўдзельнікамі ЦТ, адвольна выходзіць з аўдыторыі і перамяшчацца па пункце правядзення без суправаджэння педработніка. Парушальнікаў імгненна выдаляць з аўдыторыі, і здаць ЦТ яны змогуць толькі ў жніўні, пазбавіўшыся сёлета магчымасці паступаць у ВНУ.

Выйсці з аўдыторыі падчас ЦТ можна толькі па ўважлівай прычыне (у тым ліку дрэннае самаадчуванне, фізіялагічныя патрэбнасці) і толькі ў суправаджэнні педагагічнага работніка. Пры выхадзе трэба будзе пакінуць экзаменацыйныя матэрыялы і лісты для працоўных запісаў на працоўным месцы побач з дакументам, які сведчыць яго асобу. Адказны педработнік праверыць у прысутнасці ўдзельніка ЦТ камплектнасць экзаменацыйных матэрыялаў, якія пакідаюцца. Час адсутнасці маладога чалавека будзе ўключаны ў агульны час праходжання выпрабавання.

Інфармацыю аб выніках ЦТ у рэзервовы дзень можна будзе атрымаць на сайце Рэспубліканскага інстытута кантролю ведаў. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад’яўленні дакумента, які сведчыць асобу, з якім ён праходзіў ЦТ, дакумента аб адукацыі і пропуску з адзнакай «Тэставанне прайшоў».

Выбар рэдакцыі

Грамадства

Дадатак для падаткаў

Дадатак для падаткаў

Ключавыя навацыі звязаны з лічбавай сферай. 

Грамадства

Вікторыя Шумельчык: «Ніколі не глянула б на мужчыну-лайдака»

Вікторыя Шумельчык: «Ніколі не глянула б на мужчыну-лайдака»

Вонкава яна — рамантычная светлавалосая жанчына...

Сельская гаспадарка

 Высокія ўраджаі ўзбагачаюць гаспадаркі і выяўляюць лідараў жніва

Высокія ўраджаі ўзбагачаюць гаспадаркі і выяўляюць лідараў жніва

Гродзенскі раён традыцыйна ў ліку перадавых на Гродзеншчыне.