Вы тут

У МДЛУ адкрыўся музей гісторыі ўнiверсiтэта


28 чэрвеня адбылося ўрачыстае адкрыццё музея Мінскага дзяржаўнага лінгвістычнага ўніверсітэта, прымеркаванае да 80-годдзя вызвалення Беларусі ад нямецка-фашысцкіх захопнікаў.  У фае галоўнага корпуса прадстаўлены экспазіцыі «Генацыд беларускага народа», «Ветэраны Вялікай Айчыннай вайны – выкладчыкі МДПІІЯ», «Камсамольская арганізацыя МДПІІЯ», створаныя студэнтамі МДЛУ. 


Ва ўрачыстай цырымоніі адкрыцця прымалі ўдзел старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў; дэпутат Нацыянальнага сходу Андрэй Савіных; дэпутат Палаты прадстаўнікоў, генеральны дырэктар Нацыянальнай бібліятэкі Вадзім Гігін; начальнік Галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава. Разам з імі наведалі мерапрыемства кіраўнік адміністрацыі Партызанскага раёна Мікалай Палякоў, яго намеснік Людміла Філіповіч, старшыня Партызанскай раённай арганізацыі «Белая Русь» Валянціна Доўгалёва, прафесарска-выкладчыцкі склад ВНУ і студэнты.

— Ствараючы музей Мінскага дзяржаўнага лінгвістычнага ўніверсітэта, мы, перш за ўсё, хацелі захаваць памяць і выказаць падзяку тым, хто на працягу 75 гадоў навучаў студэнтаў, удасканальваў сістэму падрыхтоўкі па замежных мовах і тым самым уносіў свой уклад у развіццё іміджу нашай краіны на міжнароднай арэне, — распавядала рэктар МДЛУ Наталля Лапцева. — У гэтых сценах закладваецца многае для паспяховай прафесійнай дзейнасці, але таксама, што не менш важна, тут нараджаецца і сувязь з гісторыяй краіны, пра якую мы на 24 мовах расказваем па ўсім свеце. Я ганаруся студэнтамі і выкладчыкамі, якія прынялі актыўны ўдзел у рэалізацыі праектаў, накіраваных на захаванне памяці аб тых, хто працаваў у універсітэце, унёс уклад у перамогу ў Вялікай Айчыннай вайне. Хачу пажадаць нашаму музею развівацца сіламі студэнтаў, работнікаў, выпускнікоў. Няхай ён стане месцам сустрэч і зносін, дзе кожны знойдзе натхненне і матывацыю для свайго будучага шляху. Хай ён будзе мудрым настаўнікам і верным захавальнікам нашых каштоўнасцяў і традыцый.

Завяршылася афіцыяльная частка цырымоніі пераразаннем чырвонай стужкі з удзелам Наталлі Лапцевай і былых выпускнікоў універсітэта — Сяргеем Рачковым і Андрэем Савіных.

Затым для ганаровых гасцей была праведзена экскурсія студэнтамі МДЛУ. У музеі прадстаўлены экспазіцыі, якія распавядаюць пра гісторыю і сучаснае развіццё ўніверсітэта, пра яго ўклад у адукацыйную сістэму краіны, навуковыя дасягненні, выбітныя выпускнікі і навукоўцы, а таксама пра выкладчыкаў-герояў і ўдзельнікаў вайны. Наведвальнікі музея змогуць даведацца аб творчых і спартыўных дасягненнях студэнтаў, аб старых традыцыях, якія шануе ўніверсітэт, і новых, якія мацнеюць з кожным годам.

— Такія музеі выконваюць адукацыйную функцыю і, самае галоўнае, дапамагаюць захаваць гістарычную памяць. Заўсёды цікава даведацца пра гісторыю стварэння універсітэта, пазнаёміцца з лепшымі педагогамі, якія ўнеслі вялікі ўклад у яго станаўленне, і знакамітымі выпускнікамі. Бясконца прыемна прыйсці ва ўніверсітэт, які калісьці скончыў, успомніць студэнцкія гады, а яшчэ прыемней-убачыць сваю фатаграфію ў яго музеі, — падкрэсліла важнасць такіх музеяў Вольга Чамаданава.

Кацярына УРБАН

Фота аўтара

Выбар рэдакцыі

Культура

Сусвет пад крыламі наміткі

Сусвет пад крыламі наміткі

Гутарка з мастацтвазнаўцам Марыяй Віннікавай.

Грамадства

Стыхія нарабіла бяды

Стыхія нарабіла бяды

Энергетыкі працягваюць аднаўленчыя работы пасля разгулу стыхіі ў 1,2 тысячы населеных пунктаў.

Адукацыя

Прыёмная кампанія: фініш блізка

Прыёмная кампанія: фініш блізка

17 ліпеня — апошні дзень, калі ў абітурыентаў прымаюць дакументы на бюджэтную форму навучання.  

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.