У павеце Нэйцю актыўна развіваецца індустрыя мяккіх цацак

У апошнія гады ў павеце Нэйцю, што ў правінцыі Хэбэй, актыўна развіваецца індустрыя мяккіх цацак, перадае «Жэньмінь жыбаа» анлайн». 

Па ўсім павеце налічваюцца шэсць буйных вытворчых прадпрыемстваў, 280 малых і сярэдніх заводаў па перапрацоўцы, якія ахопліваюць дзевяць валасцей і пасёлкаў. У гэтай індустрыі заняты больш за 30 тысяч мясцовых жыхароў. Штодня ад 400 да 600 тысяч мяккіх цацак адпраўляюцца з павета Нэйцю ў розныя куткі краіны. 

Гэтая прадукцыя таксама рэалізуецца ў розныя краіны і рэгіёны свету, а менавіта ў Еўропу і Паўночную Амерыку, Сярэдні Усход і Паўднёвую Амерыку. Гадавы аб’ём вытворчасці дасягае 180 мільёнаў юаняў. Індустрыя мяккіх цацак ужо паступова ператвараецца ў галіну, якая развіваецца і садзейнічае занятасці і ўстойліваму росту ў гэтым рэгіёне.