Ашуканцы пад выглядам падаткавікоў выкралі ў пенсіянера $6, 9 тыс.

Ашуканцы пад выглядам падаткавікоў выкралі ў пенсіянера $6,9 тыс. Пра гэта паведамляе БелТА са спасылкай на УУС Віцебскага аблвыканкама.

72-гадоваму жыхару Віцебска ў мэсэнджары патэлефанаваў невядомы і прадставіўся супрацоўнікам падатковай інспекцыі. Для пачатку ён пацікавіўся, ці адкрываў пажылы мужчына рахунак у адным з буйных банкаў. Пачуўшы адмоўны адказ, невядомы заявіў, што на імя пенсіянера ў банку адкрыты рахунак і ён выкарыстоўваецца для фінансавання тэрарызму.

«Затым махляр высветліў, што ў пажылога мужчыны маюцца назапашвання ў суме $6, 9 тыс.і тут жа заявіў, што столькі валюты дома захоўваць нельга. Зберажэнні неабходна "задэклараваць". Для гэтага трэба тэрмінова абмяняць валюту на беларускія рублі і ўсю суму перавесці на ўказаны спецыяльны рахунак. Пенсіянер выканаў усе інструкцыі. На наступны дзень ён абмяняў грошы і ў найбліжэйшай інфакіёску здзейсніў 12 плацяжоў. Пасля таго, як уся сума была пераведзеная, ілжэсупрацоўнік з падатковай інспекцыі, паабяцаўшы, што мужчыну прывязуць дадому ўсе грошы на наступны дзень, знік», — распавёў супрацоўнік аддзялення па супрацьдзеянні кіберзлачыннасці Першамайскага РАУС Іван Гарохаў.

Усвядоміўшы, што стаў ахвярай аферыстаў, пенсіянер звярнуўся ў міліцыю.

Прэв’ю: БелТА.