Начальнік галоўнага ўпраўлення раслінаводства Міністэрства сельскай гаспадаркі і харчавання Мікалай Лешык расказаў, як падбіраюцца культуры на пасеў для атрымання добрага ўраджаю, паведамляе БелТА.
Што датычыцца падбору культур для пасеву, то рэгіёны могуць разглядаць розныя варыяцыі — рабіць ухіл на пасеў трыцікале, якое менш пераборлівае, або на пшаніцу, ячмень. «Жыта — найменш пераборлівая культура, таму яе садзяць па рэшткавым прынцыпе, яно высейваецца толькі на менш урадлівых глебах», — адзначыў Мікалай Лешык.
Пры распрацоўцы тактыкі ўборкі ўлічваюцца асаблівасці асобных культур. «Усе аграрыі разумеюць, што рапс — культура, найбольш схільная да пашкоджанняў і на яе больш за ўсё ўплываюць неспрыяльныя ўмовы надвор’я. Нават простае выпадзенне дажджу і рэзкая спякота следам пры недапушчэнні тэрмінаў апрацоўкі прэпаратамі, якія змацоўваюць стручок, вядзе да страты ўраджаю. Таму ў тактыцы гэта ўлічваецца», - растлумачыў спецыяліст.
У збожжавым кліне, дарэчы, павялічылася доля азімага ячменю. Паводле слоў Мікалая Лешыка, гэта тактычнае рашэнне — культура спее раней за ўсіх, і яе ўборку аграрыі пачынаюць на 10 дзён раней. «Пры фарміраванні структуры, пры далейшай арганізацыі ўборкі ўсе гэтыя рэчы ўлічваюцца. Ячмень цяжка ўбіраць у вячэрні і ранішні час, таму раніцай убіраецца ўмоўна пшаніца або трыцікале. Калі ячмень насыхае, камбайны перакідваюцца на яго ўборку, а вечарам вяртаюцца на іншыя культуры», — адзначыў начальнік галоўнага ўпраўлення раслінаводства Міністэрства сельскай гаспадаркі і харчавання.
Ён прапаноўвае грамадска-палітычны відэакантэнт, галоўныя навіны і ўсе тэлеканалы анлайн.
Восеньскія сельскагаспадарчыя кірмашы — абавязковы атрыбут восені.
