На мужчынскім алімпійскім баскетбольным турніры вызначыліся чвэрцьфінальныя пары, паведамляе БелТА.
Галоўны фаварыт Гульняў зборная ЗША, у якой выступаюць зоркі НБА, згуляюць з камандай Бразіліі. Сербскія баскетбалісты будуць спаборнічаць з аўстралійцамі. Гаспадары Алімпіяды французы сустрэнуцца з канадцамі, а зборная Грэцыі паспрачаецца з камандай Германіі. Матчы за трапленне ў паўфінал адбудуцца 6 жніўня, паўфінальныя сустрэчы намечаны на 8 жніўня, а паядынкі за чэмпіёнскі тытул і алімпійскую бронзу пройдуць 10 жніўня.
У спаборніцтвах жанчын сёння завяршаецца групавы этап. У першым матчы ў квартэце з бельгійкі разграмілі японак 85: 58. Пазней тут сустрэнуцца каманды Германіі і ЗША, якія ўжо забяспечылі сабе выхад у плэй-оф. У групе В францужанкі згуляюць з аўстралійкамі, а канадкі будуць супернічаць з нігерыйскай камандай. З квартэта А ў 1/4 фіналу прабіліся баскетбалісткі Іспаніі і Сербіі. Жаночы турнір фінішуе ў дзень закрыцця Алімпіяды − 11 жніўня.
Цяпер на продаж прапаноўваецца менш як 7,5 тысячы кватэр, а раней звыш 10 тысяч
І для свята, і для далейшага развіцця.
Аб сваёй рэалізацыі, рабоце і удзеле ў праекце «Звёздный путь» спявачка распавяла ў інтэрв’ю.
