Лукашэнка з верталёта праінспектаваў Гомельскую і Мінскую вобласці

Прэзідэнт Беларусі Аляксандр Лукашэнка 4 жніўня праінспектаваў з верталёта ход уборачнай кампаніі ў краіне, паведамляе БелТА.

Папярэднія два дні Аляксандр Лукашэнка знаходзіўся з рабочай паездкай у Гомельскай вобласці. У цэнтры ўвагі прэзідэнцкай інспекцыі былі ліквідацыя наступстваў стыхіі ў рэгіёне, уборачная страда і закладка новага ўраджаю — падрыхтоўка палёў і сяўба азімых культур.

У нядзелю кіраўнік дзяржавы вывучыў сітуацыю і з вышыні, калі ўсё як на далоні. Аляксандр Лукашэнка агледзеў паўночна-заходнія раёны Гомельскай вобласці і паўднёвыя раёны сталічнага рэгіёна. З верталёта Прэзідэнт ацаніў ход уборачнай кампаніі, стан меліяраваных зямель і працу прадпрыемства «Слаўкалій».