Прэзідэнт Беларусі Аляксандр Лукашэнка павіншаваў калектыў Нацыянальнай дзяржаўнай тэлерадыёкампаніі Беларусі з 30-годдзем з дня стварэння. Аб гэтым БелТА паведамілі ў прэс-службе беларускага лідара.
Захоўваючы найлепшыя традыцыі айчыннай журналістыкі, найбуйнейшы медыяхолдынг краіны аб’яднаў сапраўдных зорак эфіру, якіх ведаюць і любяць мільёны беларускіх грамадзян, канстатаваў кіраўнік дзяржавы.
«Знаходзячыся ў авангардзе інфармацыйнага вяшчання, вы заўсёды адкрыта гаворыце пра самае важнае і аб’ектыўна паказваеце ўсяму свету праўду пра мінулае і сучаснасць роднай Беларусі, — гаворыцца ў віншаванні. — Прыемна, што імя нашай краіны ўпрыгожвае назвы каналаў грамадска-палітычнага, сямейнага, культурнага, спартыўнага і міжнароднага вяшчання. Усе разам і кожны паасобку яны выхоўваюць і натхняюць свайго гледача на добрыя і карысныя пачынанні».
Прэзідэнт выказаў упэўненасць, што і ў далейшым высокія рэйтынгі праграм тэлерадыёкампаніі, павага яе супрацоўнікаў да беларускага гледача і слухача, пастаяннае імкненне да самаўдасканалення будуць садзейнічаць умацаванню інфармацыйнага суверэнітэту краіны.
Аляксандр Лукашэнка пажадаў усім супрацоўнікам Белтэлерадыёкампаніі моцнага здароўя, дабрабыту, далейшай плённай работы і пакарэння новых прафесійных вяршынь.
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
