У БДУ сярэдні конкурс на дзённую бюджэтную форму навучання склаў 1,7 чалавекі на месца

У БДУ сярэдні конкурс на дзённую бюджэтную форму навучання склаў 1,7 чалавека на месца, паведамілі ў прэс-службе навучальнай установы.

На ўсе формы атрымання агульнай вышэйшай і спецыяльнай вышэйшай адукацыі залічаны 4617 абітурыентаў. Усяго на дзённую бюджэтную форму залічаны 2590 абітурыентаў, з якіх 71 — на ваенны факультэт. Конкурс па ўніверсітэце на бюджэт склаў 1,7 чалавека на месца.

Сярод залічаных на дзённую бюджэтную форму навучання па выніках ЦТ і ЦЭ 92 працэнты абітурыентаў набралі 300 балаў і вышэй. Сярод першакурснікаў БДУ 81 пераможца міжнародных і рэспубліканскіх алімпіяд. Без экзаменаў на педагагічныя напрамкі залічаны 48 абітурыентаў. Абітурыентаў, якія скончылі сярэднюю школу з медалём або сярэднія спецыяльныя навучальныя ўстановы з дыпломам з адзнакай, — 860 чалавек. Доля выпускнікоў ліцэяў і гімназій сярод залічаных — 46,4 працэнта (1201 чалавек). У залічаных у БДУ 515 стабальных вынікаў ЦТ і ЦЭ. Найбольшая колькасць прадстаўленых у БДУ сертыфікатаў з вышэйшым балам па грамадазнаўстве — 110, матэматыцы — 106.

Самы высокі конкурс сярод творчых спецыяльнасцей на «графічным дызайне і мультымедыядызайне» — 19 чалавек на месца.

Самыя высокія прахадныя балы склаліся на спецыяльнасці «сусветная эканоміка» — 395, «эканамічная інфарматыка» — 394, «прыкладная інфарматыка» — 391, «міжнароднае права» і «міжнародныя адносіны» — 390.

На завочную бюджэтную форму залічаны 104 чалавекі. Сярэдні конкурс склаў 2,5 чалавекі на месца.

На дзённую платную форму залічаны 1498 абітурыентаў, з іх 1488 — на поўны тэрмін навучання, 10 — на скарочаны тэрмін. Сярэдні конкурс па ўніверсітэце склаў 1,64 чалавекі на месца. Самыя высокія прахадныя балы склаліся на спецыяльнасці «інфарматыка» — 348, «прыкладная інфарматыка» і «прыкладная матэматыка» — 346, «міжнароднае права» — 343, «хімія лекавых злучэнняў» — 342.

На завочную платную форму залічаны 213 абітурыентаў, з іх 97 — на поўны тэрмін навучання, 116 — на скарочаны тэрмін. Па хадайніцтве спартыўных федэрацый і саюзаў на платную форму дадаткова залічаны 96 абітурыентаў. У адпаведнасці з п.23 Правілаў прыёму залічаны 1 грамадзянін краін СНД. На завочную платную форму для атрымання другой вышэйшай адукацыі (скарочаны тэрмін навучання) залічаны 107 абітурыентаў.

За кошт грантаў залічаны 8 замежных грамадзян.