Стварэнне кветкавых кампазіцый да памятных дат ужо стала добрай традыцыяй жыхароў дома № 18 па сталічнай вуліцы Калініна. Так, у 2019-м напярэдадні святкавання 75-годдзя вызвалення Беларусі перакрыжаванне вуліц Кузьмы Чорнага і Калініна ўпрыгожыў цудоўны кветнік з ружамі, які красаваў усё лета. А сёлета ва ўнутраным дворыку з’явілася новая кампазіцыя, цэнтрам якой з’яўляецца альпійская горка ў асяроддзі кустоў і шматгадовых травяністых дэкаратыўных раслін. Знакавых дат, да якіх можна было прымеркаваць гэту падзею, у 2024-м шмат: 80-годдзе вызвалення Беларусі, 55-годдзе Першамайскага раёна і 65-годдзе дома № 18! Асабліва каштоўна, што ў стварэнні гэтага куточка рукатворнай прыгажосці ўдзельнічалі жыхары навакольных дамоў. Кожны дапамагаў чым мог: хтосьці перавозіў камяні і зямлю, хтосьці закупляў расліны, былі і тыя, хто дзяліўся саджанцамі са сваіх кветнікаў і дачных участкаў.
Лізавета ГОЛАД
Фота аўтара
Заменена абсталяванне і падрыхтавана паліва.
Падраздзяленні інфармацыі і грамадскіх сувязяў органаў унутраных спраў адзначаюць 40-годдзе з дня ўтварэння.
Патрабаванні спрошчаны, адказнасць павышана.
