У Беларусі стартаваў летне-асенні сезон палявання на вадаплаўную (акрамя гусей) і балотную дзічыну, слонку, вяхіра, голуба шызага, перапёлкі і фазана. Аб гэтым паведамілі ў Беларускім таварыстве паляўнічых і рыбаловаў.
Паляванне дазволена ў светлы час сутак ружэйным (з засады, з падыходу, з пад’езда з прымяненнем маламерных суднаў без рухавікоў, або з выключанымі рухавікамі) і бязружэйным (з выкарыстаннем лоўчых птушак) спосабамі. Падчас ружэйнага палявання дазваляецца выкарыстанне гладкаствольнай паляўнічай зброі і патронаў, забяспечаных шротам, ужыванне паляўнічых сабак, акрамя ганчакоў і хартоў.
«Таксама ў гэты перыяд дазволена паляванне на цецерука (жывёлы любога полу і ўзросту, акрамя старок — самак, якія водзяць вывадак маладых птушак). Пры гэтым паляваць дазволена ў светлы час сутак толькі з паляўнічым сабакам — лягавым, спаніэлем або рэтрыверам. Варта адзначыць, што гэты від паляўнічых птушак адносіцца да нарміруемых. Гэта азначае, што паляванне на яго ажыццяўляецца на падставе дазволу на здабычу і паляўнічай пуцёўкі да яго, адабранне дазваляецца ў межах зацверджанага плана. У сувязі з гэтым аб магчымасці правядзення палявання на цецерука трэба ўдакладняць у паляўнічых гаспадарках», — растлумачылі ў БТПР.
З 7 верасня будзе дазволена паляванне на рабчыка і шэрую курапатку, а з 21 верасня — на гуся белалобага, гуся-гуменніка, гуся шэрага і канадскую казарку.
Прадоўжыцца летне-асенні сезон палявання на птушыную дзічыну да 8 снежня.
Набыць паляўнічыя пуцёўкі можна ў арганізацыйных структурах РДГА «БТПР».
Прэв’ю: БелТА
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
