На велатрэку «Лакасфінкс» у Санкт-Пецярбургу завяршыўся чэмпіянат і адкрыты Кубак Расіі па веласіпедным спорце на трэку з удзелам беларускіх спартсменаў, паведамляе БелТА.
Прадстаўнікі нашай каманды на галоўным старце расійскага сезона здабылі два залатыя, адзін сярэбраны і два бронзавыя медалі. У заключны дзень турніру адбыліся спаборніцтвы ў мэдысане-парнай гонцы на цягавітасць. Срэбра ў жаночым заліку заваявалі нашы Анастасія Кіпцікава і Караліна Бірук, якія саступілі толькі прадстаўніцам Санкт-Пецярбурга. У мужчынскім мэдысане беларусы Раман Цішкоў і Раман Раманаў занялі шостае месца, а Яўген Каралёк і Дзяніс Мазур сталі восьмымі.
Напярэдадні вікторыю на адкрытым Кубку Расіі ў кейрыне атрымаў Арцём Зайцаў, які такім чынам стаў двухразовым пераможцам турніру — раней беларус заваяваў золата ў спрынце. У кейрыне ў жанчын Варвара Басякова выйграла бронзу, медаль гэтай жа вартасці ў спрынце атрымаў Аляксандр Глова. Па выніках омніума нікому з нашых гоншчыкаў не ўдалося заехаць на п’едэстал: у мужчын лепшы з беларусаў Каралёк размясціўся шостым, у дзяўчат Кіпцікава была сёмай.
Акрамя таго, у суботу ў Санкт-Пецярбургу адбыліся рэгіянальныя спаборніцтвы ў гіце з месца на 1000 м, поспех сярод жанчын святкавала Варвара Басякова, а яе сяброўка па камандзе Аліна Кароткіна паказала чацвёрты вынік.
Прэв’ю: pixabay.com
Цяпер на продаж прапаноўваецца менш як 7,5 тысячы кватэр, а раней звыш 10 тысяч
І для свята, і для далейшага развіцця.
Аб сваёй рэалізацыі, рабоце і удзеле ў праекце «Звёздный путь» спявачка распавяла ў інтэрв’ю.
