Сусветная арганізацыя аховы здароўя (СААЗ) апублікавала абноўлены спіс патагенаў, здольных выклікаць новую пандэмію. Ён уключае больш за 30 вірусаў і бактэрый, паведамляе «МИР 24».
Над спісам працавалі каля 200 вучоных з 50 краін. Яны прааналізавалі 1652 патагены, у тым ліку 28 сямействаў вірусаў і групу бактэрый, і выявілі найбольш небяспечныя. Пры гэтым улічваліся вірулентнасць патагенаў (здольнасць выклікаць хваробу), кантагіёзнасць (заразнасць) і даступнасць вакцын і лекаў.
Так, у спіс небяспечных бактэрый увайшлі чума, бактэрыяльная дызентэрыя, халера і сальманелёз. Толькі ў маі 2023 года ў свеце было зарэгістравана больш за 46 тысяч выпадкаў заражэння халерай.
Таксама навукоўцы ўнеслі флававірусы, якія выклікаюць ліхаманку: гэта вірусы Дэнге і Зіка, жоўтая ліхаманка. Яны перадаюцца праз укусы насякомых і асабліва распаўсюджаныя ў трапічных рэгіёнах. Акрамя таго, у спіс увайшлі вірусы натуральнай воспы і воспы малпаў, грыпу А, Эбола і конга-крымская гемарагічная ліхаманка.
Пасля абнаўлення спіс СААЗ павялічыўся больш як у два разы. Эксперты адзначылі, што пандэмія каранавіруса ў свой час стала нечаканасцю для чалавецтва. Яна ўказала на неабходнасць пастаяннага вывучэння і маніторынгу працэсаў, звязаных з эвалюцыяй вірусаў.
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
