Як супрацьстаяць тэхналагічным гігантам?

На гэтым на сустрэчы з ідэалагічным актывам Мінскай вобласці акцэнтаваў увагу намеснік кіраўніка Адміністрацыі Прэзідэнта Уладзімір Пярцоў.

Падобныя канструктыўныя сустрэчы ўжо прайшлі ў Гомелі і Брэсце. У Магілёве адбыўся Форум медыйнай супольнасці. «Яго ўдзельнікі пачулі планы, пасылы кіраўніка дзяржавы, якія датычацца арганізацыі інфармацыйнай і ідэалагічнай работы, а таксама контрпрапаганды, — адзначыў Уладзімір Пярцоў. — Я думаю, што многія з вас маюць негатыўны вопыт 2020 года і пазітыўны вопыт выбудоўвання новай інфармацыйнай ідэалагічнай парадыгмы на сваёй тэрыторыі. Мы разумеем, што калі дзесьці праспім, то ўсе нашы вакуумы, якія ўтвараюцца, будуць імгненна запоўненыя тымі людзьмі, якіх ужо нельга назваць альтэрнатыўнай журналістыкай. Гэта цалкам адназначна, як мінімум, тэндэнцыйная прэса, як максімум — праява цэнтраў інфармацыйна-псіхалагічных спецыяльных аперацый, якія пераследуюць пэўныя мэты ў інтарэсах дзяржаў і спецыяльных службаў, якія іх утрымліваюць».

Паводле яго слоў, менавіта на ідэалагічным актыве ляжыць задача тлумачыць людзям правілы інфармацыйнай гігіены, расказваць пра тое, якія рызыкі і небяспекі тояць інтэрнэт, новыя медыя і медыяпадобныя структуры. «Сёння нам супрацьстаіць эфектыўная, высокатэхналагічная, багатая машына, — папярэдзіў Уладзімір Пярцоў. Гэта не наіўныя хлопчыкі і дзяўчынкі, а тэхналагічныя гіганты з недружалюбных краін. 

Імі кіруюць карпарацыі і людзі, якія пераследуюць глабальныя геапалітычныя і эканамічныя мэты ў дачыненні да ў цэлым калектыўнага Усходу, не толькі нашай краіны. Яны выкарыстоўваюць гэтыя лічбавыя магчымасці як інструмент, як транспарт па данясенні той інфармацыі, як інструмент па данясенні сваіх геапалітычных стратэгічных мэт. Наіўна да гэтага ставіцца нельга».

З плюсаў — работа, якая апошнім часам праведзена дзяржаўнымі органамі нашай краіны. «Толькі за мінулы год Міністэрства інфармацыі абмежавана доступ да 3388 дэструктыўных рэсурсаў. Многія з іх — гэта люстэрка дэструктыўных рэсурсаў. Тут структура досыць шматслаёвая. Гэта і продаж наркотыкаў, і парнаграфія, і рэсурсы, якія рэкрутуюць і распавядаюць аб розных экстрэмісцкіх фарміраваннях. Гэта і прапагандысцкія дэструктыўныя экстрэмісцкія рэсурсы, і шматлікія праявы ў інтэрнэце медыяпадобных, так званых мімікравальных пад журналістыку аўтараў, якія выконваюць сваю функцыю ўздзеяння на тыя колы нашай аўдыторыі, якія не вызначыліся альбо лаяльныя, альбо якія думаюць некалькі інакш», — падагульніў Уладзімір Пярцоў.

Данііл ХМЯЛЬНІЦКІ