Аб асноўных задачах па развіцці сельскай гаспадаркі ў Беларусі распавёў на прэс-канферэнцыі начальнік Галоўнага ўпраўлення адукацыі, навукі і кадравай палітыкі Міністэрства сельскай гаспадаркі і харчавання Уладзімір Самсонавіч, перадае БелТА.
«Стратэгічнай мэтай развіцця сельскай гаспадаркі Беларусі на перыяд да 2030 года з’яўляецца фарміраванне канкурэнтаздольнай на сусветным рынку і экалагічна бяспечнай вытворчасці сельскагаспадарчых прадуктаў, неабходных для падтрымання дасягнутага ўзроўню харчовай бяспекі. У Беларусі гэты ўзровень высокі. Мы забяспечваем сябе на 100%, і яшчэ палову таго, што вырабляем, прадаем на экспарт», — адзначыў Уладзімір Самсонавіч.
Паводле яго слоў, беларускай сельскай гаспадарцы трэба будзе інтэлектуалізацыя і пераход да лічбавай мадэлі развіцця вытворчасці, якая дазволіць знізіць рэсурсаёмістасць, нарасціць аб’ёмы выпуску і экспарту прадукцыі з высокай дабаўленай вартасцю.
«Таксама трэба забяспечыць паўнавартаснае харчаванне і здаровы лад жыцця насельніцтва пры захаванні ўрадлівасці глеб. Бо прадукцыя, якую мы вырабляем (гародніна, садавіна), вырошчваецца на зямлі. Кармы, якія ядуць жывёлы, павінны быць экалагічна чыстымі, каб мы атрымлівалі якасныя мяса, малако, яйкі і іншую прадукцыю», — падкрэсліў начальнік Галоўнага ўпраўлення адукацыі, навукі і кадравай палітыкі Міністэрства сельскай гаспадаркі і харчавання.
Ён дадаў, што сельскагаспадарчая прадукцыя вырабляецца сёння на 1645 малочна-таварных комплексах з даільнымі заламі і робатамі для вытворчасці малака па сучасных тэхналогіях. Тэхналагічныя працэсы забяспечваюць стэрыльную чысціню.
«Так, у нас функцыянуе 100 наймагутных свінагадоўчых комплексаў і 42 буйныя птушкафабрыкі. Тут перапрацоўваецца ўсё, што мы вырошчваем на палях, — кармавыя культуры, збожжа», — заявіў Уладзімір Самсонавіч.
Прэв’ю:
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
