Якія ўмовы ствараюцца для замацавання маладых спецыялістаў у галіне сельскай гаспадаркі, распавёў на прэс-канферэнцыі начальнік Галоўнага ўпраўлення адукацыі, навукі і кадравай палітыкі Міністэрства сельскай гаспадаркі і харчавання Уладзімір Самсонавіч, перадае БелТА.
Як адзначыў Уладзімір Самсонавіч, сёння ў кадравым забеспячэнні сельскай гаспадаркі існуюць пэўныя пытанні. «Мы яшчэ не дасягнулі жаданага ўзроўню замацоўваемасці маладых спецыялістаў, але для гэтага робіцца ўсё. У нас дзейнічае 17 нарматыўна-прававых актаў, накіраваных на замацаванне маладых спецыялістаў у сельскагаспадарчых арганізацыях. Гэта льготы, забеспячэнне жыллём, даплаты, а таксама тарыфныя пагадненні паміж Міністэрствам сельскай гаспадаркі, прафсаюзамі і Беларускім аграпрамысловым саюзам», — падзяліўся начальнік Галоўнага ўпраўлення.
Ён дадаў, што ў Беларусі таксама надаецца ўвага паляпшэнню інфраструктуры аграгарадкоў, стварэнню ўмоў для жыцця і побыту насельніцтва, набліжаных да гарадскіх. Так,«вёскі будучыні» - новы этап удасканалення населеных пунктаў.
«На карце Беларусі ёсць ужо дзясятак адрасоў, дзе гэтыя праекты атрымалі рэальнае ўвасабленне. Штогод мы накіроўваем па размеркаванні ў сельскагаспадарчыя арганізацыі каля 6 тыс.маладых спецыялістаў: 1,5 тыс. з вышэйшай адукацыяй, 2 тыс. з сярэдняй спецыяльнай і 2,5 тыс. з прафесійна-тэхнічнай адукацыяй. У цэлым мы закрываем патрэба ў кадрах. Аднак замацоўвальнасць маладых спецыялістаў складае 55-60%. Існуе 4 тыс. вакантных месцаў, але крытычнай сітуацыі недахопу кадраў мы не назіраем», — рэзюмаваў Уладзімір Самсонавіч.
Прэв’ю: БелТА
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
