Мерапрыемства стартавала сёння. На працягу трох дзён зборныя каманды 15 галіновых прафсаюзаў будуць спаборнічаць у спартыўных і творчых конкурсах. У праграме злёту арыентаванне на мясцовасці, пляжны валейбол, веласіпедны, пешы і водны турызм, турыстычны фестываль ежы і творчае прадстаўленне каманд.
— Гэта ўжо дзесяты, юбілейны, прафсаюзны турыстычны злёт. І пройдзе ён пад знакам Года якасці. Задача кожнай каманды — не толькі паказаць майстэрства ў розных спартыўных спаборніцтвах, але і прадэманстраваць у творчай візітоўцы лепшыя дасягненні і традыцыі сваёй галіны, — адзначылі ў Федэрацыі прафсаюзаў. — Удзельнікі, якія прыехалі на рэспубліканскі этап, прайшлі сур’ёзны адбор падчас галіновых прафсаюзных турыстычных злётаў. Так што напал эмоцый чакаецца сур’ёзны.
У цэлым прафсаюзы надаюць вялікую ўвагу папулярызацыі розных відаў спорту, здаровага ладу жыцця. Прычым работа гэта першаснымі прафсаюзнымі арганізацыямі вядзецца па розных напрамках — ад арганізацыі спартыўных мерапрыемстваў, трэніровак для работнікаў і іх дзяцей да матэрыяльнага стымулявання тых, хто клапоціцца аб сваім здароўі, дапамогі ў набыцці абанементаў у басейны, спартыўныя залы. І з кожным годам ахвотных паўдзельнічаць у прафсаюзных спартыўна-масавых мерапрыемствах становіцца ўсё больш. Напрыклад, за мінулы год больш за 800 тысяч членаў прафсаюзаў прынялі ўдзел у розных спаборніцтвах, спартакіядах, турыстычных злётах.
Алена КРАВЕЦ
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
Цэны на ліквіднае жыллё ў сталіцы выраслі на 5 працэнтаў.
