Сёлетняе лета багата на спякотныя дні. Правілы паводзін у такое надвор’е, а менавіта захаванне некаторых рэкамендацый пітнога рэжыму, — бадай, самае важнае, пра што неабходна паклапаціцца. Ва ўмовах гарачага надвор’я наш арганізм хутка губляе вадкасць, што пагражае абязводжваннем і перагрэвам. Як своечасова папаўняць запасы вады ў арганізме, правільна арганізаваць і прытрымлівацца пітнога рэжыму, расказала ўрач-педыятр 3-й гарадской дзіцячай клінічнай паліклінікі Руфіна Галямава.
— Існуе меркаванне, што чалавек павінен выпіваць у дзень не менш за два літры вады. Насамрэч гэтыя лічбы занадта абагульненыя. Рацыянальна выкарыстоўваць формулу: 30 мл вады памножыць на вагу чалавека, — звяртае ўвагу ўрач.
Правільны пітны рэжым у гарачае надвор’е дазволіць вырашыць некалькі важных задач, у прыватнасці, абароніць скуру ад перасыхання і захавае маладосць, дапаможа вывесці шкодныя рэчывы з арганізма, выключыць верагоднасць абязводжвання і цеплавога ўдару.
Таму вазьміце за правіла ў летні час заўсёды трымаць бутэльку чыстай пітной вады пры сабе. Як толькі адчуеце смагу, стомленасць, сухасць у роце ці іншыя прыкметы абязводжвання, неадкладна рабіце некалькі глыткоў.
— Вада — не толькі жыццёва неабходны прадукт для чалавека, але і натуральны спосаб астуджэння арганізма. Найбольш аптымальны час прыёму вадкасці — за паўгадзіны да і пасля ежы. Калі тэмпература на вуліцы зашкальвае і вам увесь час хочацца піць, не стрымлівайце сябе. Цярпець смагу недапушчальна, — папярэджвае ўрач.
Аднак каб яе наталіць, не падыходзяць салодкія напоі, чорная гарбата і кава. Лепш аддаць перавагу чыстай вадзе, зялёнаму чаю ці несалодкім фруктова-ягадным узварам. І памятайце: чым больш вы знаходзіцеся пад прамымі сонечнымі прамянямі, тым больш вадкасці неабходна ўжываць.
Людзі, якія праводзяць будні ў офісе пад кандыцыянерам, могуць і не адчуць розніцы ў сезоннай рабоце арганізма. А вось тыя, хто ўвесь час знаходзіцца на свежым паветры, павінны паклапаціцца аб рэгулярным папаўненні воднага балансу.
1. Выпіваць 1-2 шклянкі вады раніцай, за паўгадзіны да сняданку. Гэта дазволіць папоўніць «начныя» страты вадкасці ў арганізме.
2. Праз паўгадзіны-гадзіну пасля сняданку неабходна выпіць яшчэ 0,5 л вадкасці. У летні перыяд проста замяніце кубак ранішняй кавы на шклянку вады.
3. На працягу дня кожную гадзіну ўжывайце вадкасць невялікімі порцыямі.
У Гродзенскай вобласці турыстычны прадукт становіцца ўсё больш разнастайным.
Галоўны ўрач санаторыя «Беларусачка» у наступным годзе адзначыць паўвекавы юбілей сямейнага жыцця.
Цэны на ліквіднае жыллё ў сталіцы выраслі на 5 працэнтаў.
