Жыхарка сталіцы ўжо не раз звярталася да розных чараўніц ды знахарак па дапамогу ў вырашэнні праблем. Так, летась 55-гадовая жанчына падтрымлівала ў месенджары сувязь з варажбіткай, якая часта «дапамагала» жанчыне парадамі наконт асабістага жыцця. Вядома, кансультацыі былі не бясплатныя.
У ліпені ж гэтага года жанчыне напісала невядомая і назвалася экстрасенсам. Яна настойліва цікавілася пра здароўе і пра асабістыя справы. Даверлівая мінчанка спалохалася і задала пытанне пра сваю будучыню. Варажбітка адказала, што неадкладна трэба разбірацца з сітуацыяй і ставіць магутную «абарону» ад усіх непрыемнасцяў і напасцяў. І, канешне ж, за пэўны кошт.
Не марнуючы час, мінчанка пачала збіраць грошы. Спачатку яна перавяла «знахарцы» ўсё, што ў яе было, — больш за 59 тысяч рублёў.
«Маг са стажам» пачала «працаваць», але, каб завяршыць ахоўны абрад, сродкаў, па яе словах, недастаткова. Засмучаная жанчына ў пошуках буйной сумы вырашыла падзяліцца сваімі перажываннямі з сынам. Ён і раскрыў мінчанцы вочы — няма ніякай «абароны», а ёсць простае як свет махлярства.
І менавіта па гэтым артыкуле Крымінальнага кодэкса — махлярства, учыненае ў асабліва буйным памеры, — Фрунзенскім (г. Мінска) раённым аддзелам Следчага камітэта ўзбуджана крымінальная справа.
У Першамайскае РУУС сталіцы звярнулася 52-гадовая мінчанка, якая стала ахвярай ашуканцаў. Пацярпелая ў сацыяльнай сетцы ўбачыла прапанову аб інвеставанні ў крыптавалюце. Зацікавіўшыся, яна перайшла па спасылцы ў аб’яве і пакінула свае кантактныя даныя. Праз месенджар з ёй звязаўся «куратар», які даваў указанні аб укладанні сродкаў.
Шэсць месяцаў жанчына па парадах аферыстаў укладвала свае грошы ў «біржу», агульная сума «інвестыцый» склала каля 120 тысяч рублёў. Калі ж яна паспрабавала вывесці грошы, то гэта ў яе, канешне, не атрымалася.
Распачата крымінальная справа па факце махлярства.
Па дапамогу да праваахоўнікаў звярнулася мінчанка, якая расказала, што яе маці стала ахвярай тэлефонных аферыстаў. На стацыянарны тэлефон пенсіянерцы патэлефанавалі невядомыя і распавялі пра ДТЗ, віноўнікам якога стала яе дачка. Пажылая жанчына паверыла махлярам. Не патэлефанаваўшы блізкаму чалавеку і не высветліўшы ўсіх абставін, яна паведаміла чалавеку на другім канцы проваду, што гатова аддаць усе зберажэнні, толькі б дачка пазбегла крымінальнай адказнасці.
Праз некаторы час у яе кватэру пазванілі. Пенсіянерка перадала незнаёмцу і свае, і даччыныя зберажэнні — больш дзевяць тысяч рублёў. Аператыўнікі ўстанавілі асобу падазронага і затрымалі яго. Ім аказаўся 28-гадовы раней судзімы жыхар сталіцы. Ён расказаў, што знайшоў падпрацоўку ў групе месенджара. Грошы, атрыманыя ў пенсіянеркі, фігурант крымінальнай справы паспеў перавесці ашуканцам.
Для гэтага на вуліцы мінчанін прапанаваў мінаку за ўзнагароду ў 50 рублеў перавесці сродкі за мяжу.
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
