Беларускі плывец Ігар Бокій заваяваў свой другі залаты медаль на XVII летніх Паралімпійскіх гульнях у Парыжы. Цяпер у яго актыве 18 залатых узнагарод Паралімпіяд, паведамляе БелТА.
Учора ў фінальным заплыве стомятроўкі на спіне беларус паказаў час 56,60 сек. У фінал Ігар Бокій выйшаў з другім вынікам, пераадолеўшы дыстанцыю за 58,97 сек.
Ігар Бокій стаў чэмпіёнам парыжскіх Гульняў на дыстанцыі 100 м батэрфляем. Зараз у нашага плыўца 20 медалёў у кар’еры на Паралімпіядах — 18 залатых і па адным сярэбраным і бронзавым.
Упершыню Ігар Бокій, якому зараз 30 гадоў, выступіў на Паралімпійскіх гульнях у 2012 годзе ў Лондане, адразу заваяваўшы пяць залатых медалёў. Акрамя таго, Ігар шэсць разоў паднімаўся на вышэйшую прыступку п’едэстала гонару ў Рыа-дэ-Жанейра-2016 і пяць — у Токіа-2020.
У суботу, 31 жніўня, Ігар Бокій разам з Яўгенам Кавалёнкам выступіць на дыстанцыі 400 м вольным стылем. Папярэднія заплывы запланаваны на 11.20 па мінскім часе, а фінал намечаны на 19.40.
Укараняюцца інавацыйныя тэхналогіі ў практыку работы дзіцячых садкоў.
У Мінску завяршыўся фестываль «Еўразія.DOC».
Пытанняў і праблем, якія стаяць перад кіраўніцтвам арганізацыі, нямала.
Цэны на ліквіднае жыллё ў сталіцы выраслі на 5 працэнтаў.
