Рэктар Брэсцкага дзяржаўнага тэхнічнага ўніверсітэта Сяргей Каспяровіч расказаў БелТА аб тым, чаму некаторыя абітурыенты здаюць ЦТ на нуль балаў.
«Тыя з абітурыентаў, хто праходзіць тэсціраванне на нуль балаў, часта прыходзяць не з мэтай здаць яго. Яны хочуць выпрабаваць сістэму на трываласць, паспрабаваць сябе ў своеасаблівай латарэі, а мэты паступлення ў ВНУ ў іх няма. Гэта штогадовая практыка. Такіх рабят не так шмат, але яны заўсёды ёсць», — расказаў Сяргей Каспяровіч.
Таксама рэктар падкрэсліў, што адно правільна выкананае заданне ў частцы А, дзе трэба выбраць правільны варыянт адказу, дае як мінімум адзін бал. «Таму тут чалавек проста расстаўляе адказы не думаючы, не вырашаючы. Узровень падрыхтоўкі нават вельмі слабога школьніка дае магчымасць набіраць пэўную колькасць балаў», — упэўнены Сяргей Каспяровіч.
Пытанняў і праблем, якія стаяць перад кіраўніцтвам арганізацыі, нямала.
Напярэдадні прафесійнага свята педагогаў у Нацыянальным прэс-цэнтры абмеркавалі імідж настаўніка, усебаковае развіццё студэнтаў педагагічных ВНУ і новыя праекты.
Цэны на ліквіднае жыллё ў сталіцы выраслі на 5 працэнтаў.
