Аб’ём трансгранічнай электроннай камерцыі Кітая перавысіў 1,2 трыльёна юаняў

Развіццё трансгранічнага электроннага гандлю адкрывае перад кітайскімі прадпрымальнікамі новыя магчымасці для развіцця свайго бізнесу, перадае «Жэньмінь жыбаа» анлайн».

Паводле даных кітайскай мытні, у першым паўгоддзі аб’ём трансгранічнай электроннай камерцыі краіны перавысіў 1,2 трыльёна юаняў (каля 171 млрд долараў) у вартасным вылічэнні, павялічыўшыся на 10,5 працэнта ў гадавым вылічэнні.

У жніўні ў горадзе Гуанчжоў (правінцыя Гуандун, Паўднёвы Кітай) прайшоў Кітайскі кірмаш трансгранічнай электроннай камерцыі 2024, які сабраў прадстаўнікоў больш як 40 платформ трансгранічнай электроннай камерцыі з Кітая і замежных краін, а таксама звыш тысячу прадпрыемстваў з больш як 20 правінцый.

«У апошнія гады прадпрымальнікі пачалі звяртаць увагу на трансгранічную электронную камерцыю, і сёлета яна па-ранейшаму застаецца перспектыўным напрамкам», — адзначыў прадстаўнік платформы трансгранічнай электроннай камерцыі Shopee.

У Кітаі імкліва расце колькасць прадпрыемстваў у сферы трансгранічнай электроннай камерцыі. Паводле даных платформаў Tianyancha і Qichacha, якія прадстаўляюць інфармацыю аб кампаніях, у Кітаі налічваецца 21 тысяча прадпрыемстваў, звязаных з трансгранічнай электроннай камерцыяй, і за апошнія дзесяць гадоў назіраецца ўстойлівы рост колькасці такіх прадпрыемстваў, якія зарэгістраваліся. 

Сёлета ўжо зарэгістравана 4715 прадпрыемстваў у сферы трансгранічнай электроннай камерцыі, што складае звыш 80 працэнтаў ад агульнай колькасці рэгістрацый за ўвесь мінулы год. Такім чынам, трансгранічная электронная камерцыя становіцца новай рухаючай сілай росту знешняга гандлю Кітая. Яна адкрывае новыя камерцыйныя магчымасці і стала «ключавым полем бітвы» для прадпрымальнікаў, якія жадаюць пашырыць свой бізнэс.