НАН: беларуская моладзь працуе па ўсіх прарыўных навуковых напрамках

Беларуская моладзь працуе па ўсіх прарыўных навуковых напрамках. Пра гэта заявіў старшыня Савета маладых навукоўцаў НАН Беларусі Станіслаў Юрэцкі падчас Фестывалю навукі, перадае БелТА.

У рамках Фестывалю навукі праходзіць выстава-конкурс «100 інавацый маладых навукоўцаў», на якой прадстаўлены актуальныя распрацоўкі маладых вучоных у шасці напрамках. У ходзе мерапрыемства камісія вызначыць і ўзнагародзіць самыя перспектыўныя праекты.

«Конкурс праходзіць ужо трэці раз. Сёлета ён як ніколі шырока прадстаўлены — 145 праектаў маладых навукоўцаў. Каля 60% — праекты вучоных НАН, ёсць праекты з сістэмы Міністэрства адукацыі, Міністэрства аховы здароўя, Акадэміі МУС. Па выніку выберуць 20 лепшых праектаў. Тут можна азнаёміцца са зрэзам моладзевай навукі ў краіне і пераканацца, што моладзь працуе па ўсіх прарыўных навуковых напрамках», — сказаў Станіслаў Юрэцкі.

Паводле яго, моладзь цікавіцца інфармацыйнымі тэхналогіямі, біятэхналогіямі. Інжынерныя спецыяльнасці таксама атрымліваюць развіццё, як і гуманітарная навука. «Моладзь працуе ва ўсіх сферах навукі», — падкрэсліў старшыня Савета маладых вучоных НАН.

Галоўнымі пляцоўкамі Фестывалю навукі сёлета сталі «Космас», «Медыцына», «інтэлектуальныя тэхналогіі», «Экалогія», «Смак навукі» і «Лабараторыя». Так, пляцоўка «Космас» зацікавіць наведвальнікаў серыяй лекцый пра касмічныя аб’екты, іх даследаванне, Тэлескопы і спадарожнікі. Таксама тут кожны зможа адкрыць у сабе інжынера і сабраць уласны касмічны спадарожнік. На пляцоўцы «Медыцына» пагавораць пра стаматалогію, анкалогію, хваробы крыві, стварэнне вакцын і лекаў.

Прэв’ю: БелТА