Да канца 2024 г. на вул. Курсанта Гвішыяні маюць намер знесці даўгабуд, а тэрыторыю прывесці ў належны стан. Пра гэта расказала старшыня камітэта будаўніцтва і інвестыцый Мінгарвыканкама Ірына Гантарава, паведамляюць «Минск-Новости».
— Замоўцам будаўніцтва выступала кампанія «Трайпл». Меркавалася, што на гэтай тэрыторыі з’явіцца гандлёвы цэнтр, аднак кампанія не справілася са сваёй задачай. Сёння заказчык па гэтай пляцоўцы — УКБ Завадскога раёна. Распрацоўваецца праектная дакументацыя. Плануем, што ў верасні скончым распрацоўку праекта, атрымаем заключэнне экспертызы і ўжо ў 2024-м прыступім да зносу гэтага аб’екта. Тэрыторыю прывядзем у належны стан. Гэты даўгабуд будзе ліквідаваны, — удакладніла суразмоўніца.
Нагадаем, узводзіць гандлёвы цэнтр на вул. Курсанта Гвішыяні некалькі гадоў таму пачала кампанія ТАА «Трайпл». У тэрмін завяршыць будаўніцтва не ўдалося, таму аб’ект закансервавалі. Затым забудоўшчык аб’явіў аб банкруцтве. Праз некаторы час з’явілася інфармацыя аб тым, што збудаванне дабудуе заказчык пад кіраваннем антыкрызіснага кіраўніка.
Першапачаткова меркавалася, што там размесцяцца харчовыя магазіны і гандлёвы пасаж. Побач размесціцца шматузроўневы паркінг.
Восень для спецыялістаў аграрнай галіны — час падводзіць вынікі, і сёлета яны годныя.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
