Свята бегу прайшло ў Мінску

8 верасня ў сталіцы адбылося цудоўнае спартыўнае свята – Мінскі паўмарафон 2024. 

Праграма мерапрыемства ўключала ў сябе забегі на 5км, 10.5 км, 21.097 км, карпаратыўную эстафету, сямейны забег. Усяго на старт выйшлі каля 20000 чалавек.

Удзельнікаў паўмарафону павітаў старшыня Мінгарвыканкама Уладзімір Кухараў.

Вынікі Мінскага паўмарафону 2024 у забегах на 21,097 км:
сярод мужчын :

• Уладзіслаў Прамаў– 01: 06: 49;
• Сяргей Карпаў – 01:07: 35;
• Мікіта Чахоўскі – 01:07: 45;

сярод жанчын:

• Марына Даманцэвіч – 01: 13: 58;
• Вольга Немагай – 01: 14: 30;
• Ганна Максімава – 01: 16: 45.

У скверы на тэрыторыі стадыёна «Дынама» была разгорнута пляцоўка Прэзідэнцкага спартыўнага клуба «Спорт для ўсіх», на якой працавалі лакацыі: футбольны фрыстайл, зумба, пілатэс, трэніроўка з трэнерам на workout-пляцоўцы. Кульмінацыяй стаў розыгрыш дзесяці ровараў сярод усіх, хто прыйшоў у гэты дзень на пляцоўку.

Віктар Іванчыкаў, фота аўтара.