Карпенка: Ёсць чатыры магчымыя даты правядзення прэзідэнцкіх выбараў у Беларусі

Ёсць чатыры магчымыя даты правядзення прэзідэнцкіх выбараў у Беларусі ў 2025 годзе. Аб гэтым пасля нарады ў Прэзідэнта заявіў журналістам старшыня ЦВК Беларусі Ігар Карпенка, перадае БелТА.

«У адпаведнасці з заканадаўствам гэтыя выбары павінны прайсці не пазней за 20 ліпеня. Разам з тым дэпутацкі корпус прымае рашэнні — Палата прадстаўнікоў нацыянальнага сходу. Мы пасля адкрыцця сесіі 17 верасня з дэпутатамі правядзем шэраг кансультацый. Не буду хаваць, называюцца чатыры даты магчымага правядзення выбараў Прэзідэнта Але для таго, каб іх агучваць, трэба правесці кансультацыі. І зразумела, што рашэнне будзе прымаць Палата прадстаўнікоў на сваім пасяджэнні», — заявіў старшыня ЦВК.

Што да розных інсінуацый у інтэрнэце адносна даты маючых адбыцца выбараў, Ігар Карпенка адзначыў, што гэта не новая тэма. «Праблема электаральнага суверэнітэту і неўмяшання ў выбарчы працэс — гэта тэма не толькі для нас актуальная. Яна актуальная ўсюды», — падкрэсліў ён.

Напрыклад, кіраўнік ЦВК згадаў аб нядаўніх нападзеннях хакераў на платформу для электроннага галасавання ў Расіі. «Застаецца пытанне, чаго звонку ўмешваецеся ў гэты працэс? Ну ідзе там электроннае галасаванне. Вам якая розніца, як людзі галасуюць? Людзі галасуюць у сваёй краіне, праводзяць у сваёй краіне выбары, — заўважыў ён. — На жаль, сёння ёсць шэраг буйных геапалітычных ігракоў, якія лічаць, што выбары трэба выкарыстоўваць у сваіх мэтах. Мы ж лічым дакладна і зразумела, што выбары праводзяцца ў нашай краіне для нашага народа, у нашых нацыянальных інтарэсах з мэтай забеспячэння суверэнітэту і незалежнасці нашай краіны. нас будзе ў парламенце, хто будзе прэзідэнтам, хто будзе дэпутатам мясцовых саветаў. Мы, беларускі народ, будзем гэта рабіць».

Ігар Карпенка заявіў, што ЦВК гатовы да любой з прапанаваных дат, якія агучваліся для правядзення выбараў. «Мы падрыхтавалі ўжо адпаведныя метадычныя рэкамендацыі, інфармацыйную базу. Цяпер адпрацоўваем візуальную канцэпцыю магчымага афармлення да выбараў участкаў, плакатаў — усяго таго інфармацыйнага антуражу, які мы звычайна прымяняем да выбараў», — дадаў старшыня ЦВК.

На нарадзе ў Прэзідэнта таксама абмяркоўвалася пытанне запрашэння міжнародных назіральнікаў. «Закраналі шырокі спектр арганізацый, якія могуць быць запрошаны, а не толькі СНД і ШАС (місіі назіральнікаў ад гэтых арганізацый. — Заўвага БелТА), якія ў нас традыцыйна прысутнічалі ў адзіны дзень галасавання. Таму ідзе планавая работа», — падзяліўся Ігар Карпенка..

«ЦВК адкрыты для ўзаемадзеяння з усімі суб’ектамі, якія завязаны на выбарчым працэсе. Гэта не толькі сістэма камісій. Гэта яшчэ і органы мясцовай улады, якія павінны ўважліва паглядзець, дзе размяшчаюцца ўчасткі, ці зручныя яны для падыходу, пад’езда, якія там створаны ўмовы, адпаведнасць абсталявання (неабходна праверыць. — Заўвага БелТА) і гэтак далей. Гэтыя пытанні таксама сёння былі ў полі зроку кіраўніка дзяржавы», — рэзюмаваў кіраўнік ЦВК.