Кітайскі тэхналагічны гігант Huawei Technologies у горадзе Шэньчжэнь (Паўднёвы Кітай) прадставіў першы ў свеце смартфон з трыма складнымі секцыямі, перадае «Сіньхуа».
Навінка мае шэраг тэхналагічных ноў-хаў, такіх як сістэма падвойнага шарніра і экран, які згінаецца. Прэзентацыя транслявалася ў сацыяльнай сетцы Weibo. Як адзначыў старшыня савета дырэктараў Huawei Рычард Юй, кампанія працавала над стварэннем смартфона на працягу пяці гадоў. Дыяганаль экрана складае 10,2 цалі (25,9 см), шырыня — усяго 3,6 міліметра. У кампаніі падкрэсліваюць, што пры такіх габарытах Mate XT стаў самым тонкім складным смартфонам у свеце.
Акрамя таго, як сцвярджаюць у Huawei, тэлефон абсталяваны самай тонкай у свеце батарэяй. Паводле дадзеных кампаніі, колькасць папярэдніх замоваў на Mate XT перавысіла адзнаку ў 3,6 мільёна. Афіцыйна продажы смартфона стартуюць 20 верасня.
Раней ганконскія аналітыкі прызналі Huawei Technologies лідарам на сусветным рынку складных смартфонаў. У першым квартале доля кампаніі склала 35 працэнтаў ад агульнасусветных паставак, што на 21 працэнт вышэй у параўнанні з мінулым годам. Huawei абыйшла паўднёвакарэйскую Samsung Electronics.
Мікалай ЛІТВІНАЎ
Супрацоўнікі Мінпрыроды расказалі, якая карысць ад дрэў у горадзе.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
