Аб гэтым дамовіліся Беларускі прафсаюз работнікаў мясцовай прамысловасці і камунальна-бытавых прадпрыемстваў і Міністэрства жыллёва-камунальнай гаспадаркі. Адпаведныя нормы ўнесены ў Тарыфнае пагадненне паміж сацыяльнымі партнёрамі.
Так, дапаўненні закранулі меры матэрыяльнага стымулявання для работнікаў прадпрыемстваў галіновага прафсаюза, якія дасягнулі ўстаноўленага пенсійнага ўзросту, і маладых спецыялістаў. Такім асобам наймальнік абавязаны будзе выплаціць аднаразовую грашовую ўзнагароду ў памеры і парадку, устаноўленым калектыўным дагаворам, але не менш як пяць базавых велічынь за кожны год у выпадку згоды на заключэнне або падаўжэнне тэрміну дзеяння кантракта.
Паводле слоў старшыні Беларускага прафсаюза работнікаў мясцовай прамысловасці і камунальна-бытавых прадпрыемстваў Юрыя Дарагакупца, кожны з бакоў уносіў свае прапановы па напаўненні дакумента.
— Цяпер важна прыцягнуць моладзь і ўтрымаць тыя вопытныя кадры, якія сёння ёсць, гэта адна з асноўных задач. Абмеркаваўшы з сацыяльнымі партнёрамі гэтыя пытанні, мы прынялі рашэнне, што неабходна дадаткова падтрымаць людзей, матываваць заставацца працаваць у сістэме жыллёва-камунальнай гаспадаркі, — падкрэсліў старшыня галіновага прафсаюза.
Неабходна адзначыць, на падставе гэтага дакумента ў бліжэйшы час будуць перагледжаны калектыўныя дагаворы арганізацый сферы ЖКГ, каб новыя дамоўленасці знайшлі адлюстраванне ў лакальных дакументах.
Нагадаем, што галіновы прафсаюз на пастаяннай аснове праводзіць работу, накіраваную на пашырэнне пераліку гарантый работнікам, шляхам уключэння ў пагадненні розных узроўняў, калектыўныя дагаворы арганізацый палажэнняў, якія павышаюць узровень сацыяльнай абароненасці работнікаў у параўнанні з дзейным заканадаўствам.
Алена КРАВЕЦ
Супрацоўнікі Мінпрыроды расказалі, якая карысць ад дрэў у горадзе.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
