Беларусы пазбаўлены пачуцця нацыянальнай перавагі, паколькі ведаюць, што значыць змагацца за сваю культуру і веру. Аб гэтым Прэзідэнт Беларусі Аляксандр Лукашэнка заявіў на сустрэчы з прадстаўнікамі розных нацыянальнасцей, якія пражываюць у Беларусі, перадае БелТА.
«Мне даводзіцца часта сустракацца з рознымі людзьмі. Але з савецкіх часоў я не прывык дзяліць іх па нацыянальнасцях. Для мяне няважна, дзе хто нарадзіўся. Я цаню ў людзях перш за ўсё прыстойнасць, дабрыню, працавітасць. Ды і беларусы пазбаўлены пачуцця нацыянальнай перавагі, паколькі ведаюць, што значыць змагацца за сваю культуру і веру», — падкрэсліў Аляксандр Лукашэнка.
Прэзідэнт звярнуў увагу, што ў беларускім грамадстве няма размоў аб тытульнай нацыі, для беларусаў недапушчальны вопыт дзялення па нацыянальнай прыкмеце на грамадзян і неграмадзян, як у некаторых суседзяў.
«Ідэя народнага адзінства пранізвае ўсю нашу гісторыю. Тут спрадвеку знаходзілі прытулак людзі, якія ўцякалі ад рэлігійных войнаў, міжусобіц, ганенняў. А ў дні ліхалецця яны аб’ядноўваліся з мясцовым насельніцтвам, давалі адпор ворагу, перамагалі і разам будавалі сваё беларускае шчасце. Такі ключ да разумення шыфру жыцця на нашай зямлі — нашай з вамі», — сказаў кіраўнік дзяржавы.
Восень для спецыялістаў аграрнай галіны — час падводзіць вынікі, і сёлета яны годныя.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
