Прэзідэнт Беларусі Аляксандр Лукашэнка паабяцаў разгледзець прапанову, каб у год 80-годдзя Перамогі назваць адну з вуліц у Мінску ў гонар савецкага палкаводца і дзяржаўнага дзеяча, маршала Савецкага Саюза Івана Баграмяна, які прымаў удзел у вызваленні Беларусі ў гады Вялікай Айчыннай вайны, перадае БелТА.
«Што датычыцца вялікага Баграмяна, нам трэба разгледзець гэта пытанне ў бліжэйшы час. Гэта вялікі чалавек для нас. Для беларусаў — дакладна», — падкрэсліў Прэзідэнт.
Адпаведную прапанову ўнёс старшыня грамадскага аб’яднання «Мінскае гарадское армянскае культурна-асветнае таварыства «Айастан» Георгій Егіязаран. У час Вялікай Айчыннай вайны ў аперацыі «Баграціён» па вызваленні Беларусі ўдзельнічала 4 фронты, у тым ліку І Прыбалтыйскі на чале з Іванам Баграмянам.
Ён падкрэсліў, што ў Беларусі пра людзей мяркуюць не па нацыянальнай прыналежнасці, не па нейкіх рэлігійных перакананнях, а выключна на падставе іх прафесійных і, галоўнае, чалавечых якасцей.
Георгій Егіязаран таксама падзякаваў за ўвагу дзяржавы да пытанняў развіцця культур розных нацыянальных супольнасцей, захавання міру і згоды.
Супрацоўнікі Мінпрыроды расказалі, якая карысць ад дрэў у горадзе.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
